Bitkoin kriptovaliýtasynyń quny 9,8%-ǵa nemese 3 492,71 dollarǵa ósip, ótken jeksenbide 39 035,47 dollarǵa jetti, dep habarlaidy "Ult aqparat" Reuters agenttigine silteme jasap.
Eń iri elektrondy valiýta sanalatyn bitkoin osy jyldyń 4 qańtarymen salystyrǵanda 40,7%-ǵa qymbattaǵan. Ol kezde quny 27 734 dollar bolǵan.
Ethereum – álemdegi ekinshi iri kriptovaliýta. Ol 7%-ǵa nemese 165,77 dollarǵa ósip, jeksenbi kúni 2 532,77 dollarǵa satylǵan.
«Tesla Inc» kompaniiasynyń basshysy Ilon Mask jeksenbi kúni óziniń Twitter jelisindegi paraqshasynda jańartylatyn energiia kózderiniń úlesi bitkoindy «óndirý» kezinde dástúrli jolmen óndirilgen energiia úlesinen asqan jaǵdaida, bitkoindy qoldanýdyń qaita jandanatyny týraly habarlady.
Qazirgi kezde Tesla óz taýarlaryn satý kezinde bitkoindy qabyldaýdy toqtatqan. Bul, óz kezeginde, Ilon Masktyń kriptovaliýta «óndiretin» kompiýterlerdiń kóp energiia jumsaityny týraly alańdaýshylyǵyn týdyrdy.
