Qyrǵyzstan densaýlyq saqtaý ministrligi koronavirýsqa qarsy vaktsina saldyrǵannan keiin qaitys bolǵan áieldiń ólimine bailanysty sarapshylar komissiiasyn qurdy. Bul týraly Azattyqtyń Qyrǵyz qyzmeti habarlady.
Densaýlyq saqtaý vitse-ministri Jalalidin Rahmatýllaevtyń sózine qaraǵanda, áielge 19 shildede tańerteńgi saǵat 8 jarymda "Spýtnik V"vaktsinasy salynǵan.
"22 shildede qaitys boldy. Oqiǵaǵa bailanysty sot-meditsinalyq saraptama taǵaiyndaldy. Tergeý amaldary júrip jatyr, onyń nátijesin habarlaimyz" dedi Rahmatýllaev.
Qyrǵyzstanda adamdarǵa reseilik "Spýtnik V" pen qytailyq Sinopharm vaktsinasy salynyp jatyr. Osy aptada elge shved-britan kompaniialary ázirlegen AstraZeneca preparaty jetkizildi.
Qyrǵyzstan densaýlyq saqtaý ministrligine qarasty elektrondy densaýlyq saqtaý ortalyǵynyń málimetinshe, elde 427 myń 672 adamǵa koronavirýsqa qarsy vaktsina egilgen. 104 myńy ekinshi dozasyn alǵan.
