Búgin Bishkek gýmanitarlyq ýniversitetinde latyn álipbiimen jaryq kórgen «Manas» eposy kitabynyń tanystyrylymy ótti, dep habarlaidy QazAqparat tilshisi.
Basylym tanystyrylymyna Qyrǵyzstannyń ǵylymi jáne qoǵamdyq-saiasi orta ókilderi, diplomatiialyq missiia qyzmetkerleri, joǵary oqý oryndarynyń oqytýshylary men stýdentter qatysty.
«Manas» eposynyń bul basylymy 1796-1983 jyldary ómir súrgen jáne búkil ómirin qyrǵyz halqynyń ańyz-áńgimelerin jinaýǵa arnaǵan tanymal manasshy Meder Mergenbaevtyń qoljazbasy negizinde ázirlengen.
Bul qoljazbany 1993 jyly Bishkek gýmanitarlyq ýniversitetiniń rektory, túrkolog-ǵalym Qadyraly Qońqabaev ýniversitettiń ǵylymi kitaphanasynyń qoljazbalar qoryna alǵan. Al 2018 jyldyń shildesinde Halyqaralyq túrki akademiiasyna berilgen.
Kitaptyń bas redaktory - professor, Halyqaralyq túrki akademiiasynyń prezidenti Darhan Qydyráli.
Jalpy Túrki akademiiasy qyrǵyz halqynyń ádebietine, tarihyna jáne dástúrine qatysty 20-dan astam irgeli eńbekterdi jariia etti. Atalǵan eńbekter túrkitildes álemniń ǵylymi integratsiiasyn damytýǵa septigin tigizip otyr.
Aita keterligi, Meder Mergenbaevtyń qoljazbasy negizinde ázirlengen «Manas» eposyn Túrki akademiiasy alǵash ret jariia etip otyr. Bul kitaptyń arqasynda buǵan deiin belgisiz bolyp kelgen epostyń taǵy bir nusqasy paida bolyp, manastaný ǵylymynyń odan ary damýyna úlken úles qosyp otyr. Epos latyn álipbiimen basylyp shyqqan.
«Meder Mergenbaevtyń «Manas» eposy kitaby manastanýdaǵy úlken oqiǵa bolǵany sózsiz. Onyń ǵylymi qundylyǵy joǵary. Sebebi, eń aldymen ol esh ýaqytta jariialanbaǵan. Ekinshiden, onda bizge belgili ózge nusqalarda aitylmaityn oqiǵalar sýretteledi. Sonymen qatar onyń kórkemdik mazmuny da bai», - dedi Bishkek gýmanitarlyq ýniversitetiniń rektory Ábdildá Musaev kitaptyń tanystyrylymy barysynda.
Munan bólek, atalǵan shara aiasynda Bishkek gýmanitarlyq ýniversiteti men Halyqaralyq túrki akademiiasy arasynda memorandýmǵa qol qoiyldy. Atalǵan qujatqa sáikes, BGÝ Túrki akademiiasynyń halyqaralyq redaktsiialyq alqasynyń quramyna kiredi.
Sonymen qatar, búgin BGÝ-de Halyqaralyq túrki akademiiasynyń «Intellektýaldyq ortalyǵynyń» ashylý rásimi ótti.
