Bishkekte Abdylas Maldybaev atyndaǵy Qyrǵyz ulttyq akademiialyq opera jáne balet teatrynda qazaq jazba ádebietiniń negizin qalaǵan uly aqyn Abaidyń 175 jyldyǵyna arnalǵan «Abai aqynǵa myń taǵzym» kontserti ótti, dep habarlaidy QazAqparat Mádeniet jáne sport ministrligine silteme jasap.
Saltanatty sharaǵa QR Mádeniet jáne sport ministri Aqtoty Raiymqulova, Qyrǵyz Respýblikasy Prezidentiniń Is basqarýshysy Súiinbek Qasmambetov, Qyrǵyzstannyń Mádeniet, aqparat, sport jáne jastar saiasaty ministri Qairat Imanaliev, TÚRKSOI uiymynyń Bas hatshysy Dúisen Qaseiinov, Ózbekstan Mádeniet ministriniń orynbasary Alimjon Mirzaev jáne basqa da elshilik ókilderi men qoǵam qairatkerleri qatysty.
Súiinbek Qasmambetov Qyrǵyz Respýblikasynyń Prezidenti Sadyr Japarovtyń hakim Abaidyń 175 jyldyǵyna arnalǵan quttyqtaý hatyn oqyp berip, Aqtoty Raiymqulovaǵa tabystady. Al Qairat Imanaliev uly aǵartýshy, qoǵam qairatkeriniń ómir jolyna toqtalyp, Abai shyǵarmashylyǵy Qyrǵyzstanda da tanymal ekenin, kúni búginge deiin qyrǵyz sahnasynda jyrlary oqylatynyn jetkizdi.
Óz kezeginde Aqtoty Raiymqulova Abaidyń 175 jyldyǵyna arnalǵan is-sharaǵa qatysýshylarǵa alǵys aitty.
Aita keteiik, kontsertke Qazaqstan, Qyrǵyzstan, Ózbekstan, Túrkimenstan men Túrkiia ónerpazdary qatysty.
