بٸشكەكتە ابدىلاس مالدىباەۆ اتىنداعى قىرعىز ۇلتتىق اكادەمييالىق وپەرا جەنە بالەت تەاترىندا قازاق جازبا ەدەبيەتٸنٸڭ نەگٸزٸن قالاعان ۇلى اقىن ابايدىڭ 175 جىلدىعىنا ارنالعان «اباي اقىنعا مىڭ تاعزىم» كونتسەرتٸ ٶتتٸ, دەپ حابارلايدى قازاقپارات مەدەنيەت جەنە سپورت مينيسترلٸگٸنە سٸلتەمە جاساپ.
سالتاناتتى شاراعا قر مەدەنيەت جەنە سپورت مينيسترٸ اقتوتى رايىمقۇلوۆا, قىرعىز رەسپۋبليكاسى پرەزيدەنتٸنٸڭ ٸس باسقارۋشىسى سٷيٸنبەك قاسمامبەتوۆ, قىرعىزستاننىڭ مەدەنيەت, اقپارات, سپورت جەنە جاستار ساياساتى مينيسترٸ قايرات يماناليەۆ, تٷركسوي ۇيىمىنىڭ باس حاتشىسى دٷيسەن قاسەيٸنوۆ, ٶزبەكستان مەدەنيەت مينيسترٸنٸڭ ورىنباسارى اليمجون ميرزاەۆ جەنە باسقا دا ەلشٸلٸك ٶكٸلدەرٸ مەن قوعام قايراتكەرلەرٸ قاتىستى.
سٷيٸنبەك قاسمامبەتوۆ قىرعىز رەسپۋبليكاسىنىڭ پرەزيدەنتٸ سادىر جاپاروۆتىڭ حاكٸم ابايدىڭ 175 جىلدىعىنا ارنالعان قۇتتىقتاۋ حاتىن وقىپ بەرٸپ, اقتوتى رايىمقۇلوۆاعا تابىستادى. ال قايرات يماناليەۆ ۇلى اعارتۋشى, قوعام قايراتكەرٸنٸڭ ٶمٸر جولىنا توقتالىپ, اباي شىعارماشىلىعى قىرعىزستاندا دا تانىمال ەكەنٸن, كٷنٸ بٷگٸنگە دەيٸن قىرعىز ساحناسىندا جىرلارى وقىلاتىنىن جەتكٸزدٸ.
ٶز كەزەگٸندە اقتوتى رايىمقۇلوۆا ابايدىڭ 175 جىلدىعىنا ارنالعان ٸس-شاراعا قاتىسۋشىلارعا العىس ايتتى.
ايتا كەتەيٸك, كونتسەرتكە قازاقستان, قىرعىزستان, ٶزبەكستان, تٷركٸمەنستان مەن تٷركييا ٶنەرپازدارى قاتىستى.
