Foto: 24.kg
Bishkek mańynda arnaiy operatsiia kezinde sheteldik týrister - Resei, Belarýs jáne Frantsiia azamattary zardap shekti, - dep habarlaidy Tengrinews.kz agenttigi 24.kg saityna silteme jasap.
Zardap shekkenderdiń biri Dmitrii Anisimkovtyń aitýynsha, órttiń saldarynan olardyń barlyq múlki janyp ketken.
"Qabyrǵanyń arǵy jaǵynda lańkes turǵany belgili boldy. Saǵat 6:00 de bizge azamattyq kiim kigen adamdar kelip, bizdi qutqaryp aldy. Biz barlyǵymyz 13 adambyz. Resei azamattary, Belarýs Respýblikasynan bir azamat jáne Frantsiia azamaty. Abyroi bolǵanda eshkim zardap shekken joq. Biraq órt bastalǵan ýaqytta zattarymyz, aqshalar, bank karatalarymyz janyp ketti. Qazir Kant qalasynyń politsiia bólimshesine kelip, aiǵaq berip jatyrmyz", - dedi ol.
Anisimkovtyń aitýynsha, olar Reseidiń Qyrǵyzstandaǵy elshiligine habarlasqan. Olarǵa qujattardy tórt aidyń ishinde ǵana qalpyna keltirýge bolatynyn aitqan.
Eske salaiyq, 17 mamyrda tańerteń Bishkek irgesindegi Dmitrievka aýylyndaǵy úilerdiń birinde atys boldy. Ishki ister ministrligi operatsiia barysynda qarýly qarsylyq kórsetken lańkestiń joiylǵanyn málimdedi. Arnaiy operatsiia kezinde eki tártip saqshysy zardap shekti. Úi ieleriniń aitýynsha, birneshe kún buryn er adam áiel, balasymen páter jaldap turǵan.
