©️ youtube/@Assel_Kozhakova
Saltanat Núkenovany óltirdi dep sottalǵan Qýandyq Bishimbaevtyń burynǵy áieli Nazym Qaharman sot úkimine qatysty pikir bildirdi, - dep habarlaidy «Ult aqparat» Tengrinews.kz -ke silteme jasap.
Nazym osy ýaqyt ishinde ózine de, balalaryna da óte qiyn bolǵanyn moiyndady.
"Bir jaǵynan áiel retinde, osy eldiń azamaty retinde ashyq sotty qoldadym, óitkeni bul protsesti qoǵamnyń saýyǵýy men terapiiasyna qadam retinde qabyldaimyn. Ekinshi jaǵynan, sot balalar men maǵan kúizelis bolyp tidi, óitkeni onda adamshoshyrlyq mán-jailar belgili boldy. Balalar muny qabyldap, ári qarai da ómir súrýi kerek. Álemdegi birde-bir balaǵa muny tilemeimin. Sondyqtan bári aiaqtalǵanyna jeńildep qaldyq", - dedi Nazym Qaharman.
Qýandyq Bishimbaevanyń burynǵy áieli Núkenovtar otbasyna taǵy da kóńil aitty.
"Meniń oiymsha, alqabiler soty istiń barlyq ashyq jáne jabyq materialyn qarap, sanaly jáne durys sheshim qabyldady", - dedi ol.
Aita keteiik, Nazym Kaharman Qýandyq Bishimbaevpen 14 jyl resmi nekede bolǵan, olardyń úsh balasy bar. Erli-zaiypty 2020 jyly, eks-ministr burynǵy qylmystyq isi boiynsha koloniiadan bosaǵannan keiin bir jyl ótken soń ajyrasqan.
