Foto: © Sputnik / Sanat Imangaliev
Astana Politsiia departamenti burynǵy ulttyq ekonomika ministri Qýandyq Bishimbaevtyń áieli óltirilgen Bau meiramhanasyndaǵy baqylaý kameralarynan beinematerialdardy aldy, - dep habarlaidy "Ult aqparat" qalalyq PD baspasóz qyzmetine silteme jasap.
Politsiia departamenti kisi óltirý deregi boiynsha tergeýdi jalǵastyryp jatyr.
"Tergeý organdary qyzmet kórsetýshi personal men jasalǵan osy asa aýyr qylmystyń mán-jaiyn bilýi múmkin basqa da adamdardan jaýap alý kezinde derekterdiń qorytyndylaryna tekserý júrgizedi.
Sondai-aq oqiǵa ornynan tiisti zertteýler taǵaiyndalǵan beinematerialdar alyndy.
Tergeý jalǵasyp jatyr. Tergeý múddesi úshin basqa aqparat jariia etilmeidi", - delingen habarlamada.
Eske sala keteiik, 9 qarashada burynǵy ulttyq ekonomika ministri Qýandyq Bishimbaevtyń elordadaǵy meiramhanalardyń birinde áielin uryp óltirgeni týraly taraǵan habar qoǵamda rezonans týdyrǵan edi.
Astana qalasynyń Politsiia Departamenti sol kúni meiramhanadaǵy janjaldyń saldarynan alǵan dene jaraqattarynan bir áieldiń qaitys bolǵanyn rastaǵan. Alaida oqiǵaǵa qatysty qandai da bir aqparat bergen joq: zardap shegýshiniń atyn ataǵan joq.
Keiinnen Ishki ister ministrligi Astana meiramhanasyndaǵy kisi ólimi boiynsha Qýandyq Bishimbaevtyń ustalǵanyn rastady.
Sondai-aq Bishimbaevqa qatysty 2 ai merzimge qamaýǵa alý týraly bultartpaý sharasy taǵaiyndaldy.
Budan bólek eks-ministr áieliniń ólimin tergeý barysynda oqiǵa bolǵan "Bau" meiramhanasy ornalasqan Gastro ortalyq direktory qylmysty jasyrdy degen kúdikke ilinip, ýaqytsha ustaý izoliatoryna qamalǵan bolatyn.
