Foto: Jogargy_sot
Tanymal psihiatr Vasilii Shýrov áielin óltirdi dep aiyptalǵan Bishimbaev pen marqum Núkenovanyń qarym-qatynasyn taldap, sottalýshyda kezdesetin psihopat pen abiýzer belgilerin atady, dep habarlaidy inbusiness.kz saity Klinika Vasiliia Shýrova Pervyi shag Youtube-arnasyna silteme jasap.
Psihiatr ózi soǵan jetkizdi dep jábirlenýshini kinálaityndardy synǵa aldy. Ol mundai jaǵdaiǵa kez kelgen adamnyń jaqyny tap bolýy múmkin ekenin aityp, jábirlenýshiniń ornyna óz qaryndasyńyz ben anańyzdy qoiyp kórińizder dep keńes berdi.
Shýrovtyń aitýynsha, Bishimbaev jaǵdaiyna mán berýi kerek birinshi nárse – onyń úsh ret otaý qurǵany. Ol Bishimbaevtyń Núkenovanyń kóńilin jaýlaýy naǵyz abiýzerlerdiń ádisi deidi.
“Ol Saltanattyń kóńilin tabý úshin ózin minsiz etip kórsetti, oǵan qaramaǵansha ańdýyn qoimady. Abiýzerdiń óz qurbanyn quryqqa túsirýdiń 1-kezeńi – ony tolyq zertteý, oǵan qatysty aqparatty taýyp alý. Adamnyń qyzyǵýshylyqtaryn bilip alyp, ózi de soǵan qyzyǵatyndai keiip tanytady, ortaq tusymyz kóp dep kórsetedi”, –dedi ol.
Aitýynsha, kóp jaǵdaida mundai adamdar ǵashyq bolmaidy, olarǵa mejesindegi adamdy qolyna túsirý qyzyq. Qurbanynyń nazaryn aýdartqannan keiin ol kóbirek kóńil bólýdi talap etedi, dos pen baýyrdyń ornyn basýǵa umtylady.
“Abiýzerler 2-kezeńde qurbanyn qurbylarymen arazdastyrady, aralaryna túsedi. Osylaisha adamdy tolyq baqylaýǵa alady. Mysaly Bishimbaev Saltanatqa jańa paraqsha ashqyzdy, onyń hattaryn, qońyraýlaryn ashyp, telefonyn tekserdi. Keiin óz kásibi bar qyzdy jumysynan aiyryp, qarjylai táýeldi etýge tyrysty”, – dedi Shýrov.
Onyń aitýynsha, abiýzerler ár kezde ózin ártúrli ustap, ózgelerdiń kózinshe óziniń minez-qulqyn ózgertedi.
“Bishimbaevta osy belgi baiqalady. Ol otbasynyń kózinshe, ózinen tómen adamdardyń kózinshe óte qyzýqandy, ashýshań. Marqum Núkenovanyń aǵasy da Bishimbaevtyń ústel tóńkerip jibergenin, ata-anasymen qalai sóilesetinin aitqan edi. Kishi qyzmetkerlerdi de tildegen videosy jelide tarap ketti. Alaida sotta Bishimbaev óte ustamdy ári salqynqandy, ashýyn tejeidi. Manipýliatorlar osyndai bolady”, – dedi maman.
Málimdeýinshe, sottalýshyda nartsissizm men egotsentrizm belgileri de bar. Ol bir nárse durys bolmaǵan jaǵdaida ózgeni kinálaýǵa daiyn turady deidi.
Qýandyq Bishimbaevtyń qylyǵyn taldai otyryp, maman abiýzerlerdi qalai anyqtaýǵa bolatynyn aitty.
