Qýandyq Bishimbaev sotynda sóilegen sot-meditsina sarapshysy Tahir Halimnazarov áleýmettik jelide jeke paraqshasyn ashyp, qazaqstandyqtarǵa alǵys aitty.
Buǵan deiin ótken sot otyrysynda sot sarapshysy Tahir Halimnazarov marqum Saltanat Núkenovanyń ólimine sebep bolǵan jaraqattardy taldap, túsindirip bergen edi. Sarapshy manekenge syzyp, bas mi jaraqattary jerge nemese qatty zatqa qulaǵanda sonshalyqty deńgeide bolmaitynyn aityp, Bishimbaevtyń sózine qarsy dálelder kórsetken. Kópshilik onyń qorǵaýshy tarap qoiǵan árbir suraqqa múdirmei, naqty dálelmen jaýap bergenine tánti bolǵan.
"Qurmetti oqyrmandar! Meni qoldap, jyly sóz jazyp jatqandaryńyzǵa raqmet! Men týraly jáne meniń kásibi biliktiligime qatysty aityp jatqan pikirlerińiz men úshin mańyzdy. Keshegi kún súiikti isime arnaǵan 33 jylǵa tatydy!", - dep jazdy ol.
Aita keteiik, sotty tikelei efirden kórip otyrǵan qazaqstandyqtar Tahir Halimnazarovtyń kásibi biliktiligine tánti bolyp, toqtaýsyz alǵys aitqan edi.
