Astanada Qýandyq Bishimbaev isine qatysty sot otyrysy jalǵasyp jatyr. Saltanat Núkenova men Qýandyq Bishimbaev arasynda janjal bolǵan túni meiramhanada qurylys jumystaryn júrgizip jatqan kýáger sotta ne kórgenin aitty, dep habarlaidy "Ult aqparat".
Jóndeý jumystaryn júrgizgen qyzmetker Meiirbekovtyń meiramhana ákimshisi Qarlyǵashqa jazǵan haty oqyldy.
Meiirbekov: Direktor qaityp keldi. VIP bólmede otyr.
Qarlyǵashtan jaýap bolmaidy.
Meiirbekov jasaǵan jumystarynyń sýretin jiberedi.
Kartinalar ilingen qabyrǵany boiaýǵa ruqsat bergen joq. Qýandyq shý shyǵaryp jatyr.
Kolonna men tereze jaqty boiadym.
Vip bólmeniń astań-kesteńi shyqqan siiaqty. Áieli tiri dep úmittenemin.
Qarlyǵash: Keshirińiz.
Meiirbekov: Maski-shoý jasady. Jalańash denesine pidjak kiip alypty.
Qarlyǵash: Olar áli sonda ma?
Meiirbekov: Biz ketip qaldyq. Ol uryp jatty nemese múlikti búldirip jatty. Ketip qaldyq.
Qarlyǵash: Durys istegensizder. Ol ishpedi me?
Meiirbekov: Men sizdi hat jazyp, oiatyp jibermedim be? Keshirim ótinemin.
Qarlyǵash: Joq, meniń telefonym dybyssyz rejimde tur.
Meiirbekov: Ol iship alǵan, mas. Áinek esikti julyp ala jazdady.
Qarlyǵash: Kúzetshi bolmady ma?
Meiirbekov: Joq, as úidi qiratty.
Qarlyǵash: Qursynshy, barlyq áinekti syndyryp bitti.
Meiirbekov: Kamera bar emes pe?
Qarlyǵash: Bárin sonyń moinyna ilemin. Qursynshy, uiyqtaiyq. Jumysqa 11-de barýym kerek.
Al advokattardyń "Nelikten politsiia shaqyrmadyńyz?" degen suraǵyna kýáger "10 kún buryn da dál osyndai jaǵdai bolǵan" dep, aralaspaýdy qup kórgenin aitty.
