Foto: Astana qalasy Qylmystyq ister jónindegi mamandandyrylǵan aýdanaralyq soty
Búgin Astananyń qylmystyq ister jónindegi mamandandyrylǵan aýdanaralyq sotynda ótip jatqan eks-ministr Qýandyq Bishimbaevqa qatysty sot otyrysynda alqabilerdiń biri aýystyryldy dep habarlaidy "Ult Aqparat".
"Sot otyrysyna qatysýshylar nazaryna! Sot otyrysy zalyna densaýlyq jaǵdaiy boiynsha 2 nómirli alqabi kelgen joq. Qylmystyq is júrgizý kodeksiniń 645-babyna sáikes isti sot talqylaýy kezinde alqabiler men qosalqy alqabiler únemi qatysýǵa mindetti. Eger sot talqylaýy barysynda, biraq, alqabi men sýdia úkim shyǵarý úshin keńesý bólmesine shyqqanǵa deiin alqabilerdiń kez kelgeni sot otyrysyna qatysýdy jalǵastyra almaityny anyqtalsa, onda ol qosalqy alqabilerdiń tegi kórsetilgen biletter jáshikten shyǵarylǵan tártippen qosalqy alqabilermen aýystyrylady. Osyǵan bailanysty Qylmystyq is júrgizý kodeksiniń 645-babyna sáikes №11 zapastaǵy alqabiden №2 alqabidiń ornyna otyrýdy suraimyn", - dedi sýdia Aijan Kólbaeva 15 sáýirde ótken sot otyrysynda.
