Foto: sot transliatsiiasynan kadr
Joǵarǵy sot Bishimbaev pen Baijanovtyń isin júrgizgen sýdia Aijan Qulbaevaǵa belgisiz nómirden qońyraýlar men qorqytý habarlamalary túskenin málimdedi, jep habarlaidy «Ult aqparat» Joǵarǵy sotqa silteme jasap.
Astana qalasynyń politsiia departamenti sýdia A.Qulbaevaǵa qatysty qorqytý faktisi boiynsha qylmystyq is qozǵady.
Qylmystyq kodekstiń 407-babynyń 1-bóligi (sot tóreligin júzege asyrýǵa kedergi jasaý maqsatynda sottyń qyzmetine aralasý) boiynsha sotqa deiingi tergeý bastaldy.
Qazirgi ýaqytta sýdia jeke qaýipsizdik sharalarymen qamtamasyz etildi.
Sonymen qatar, internet keńistiginde júrgizilgen monitoring barysynda sýdiaǵa qatysty qylmys áreketteri bar kóptegen jaǵymsyz jariialanymdar anyqtaldy.
Tekserý nátijesi boiynsha tergeý organy Qylmystyq kodekstiń 411-babynyń 1-bóligi (sýdiaǵa jala jabý) boiynsha qylmystyq is qozǵady.
«Zań kez kelgen adamǵa sot tóreligin júzege asyrý protsesine, onyń ishinde sýdianyń atyna jala jabý nemese qorqytý sipatyndaǵy materialdardy jariialaý jolymen yqpal etýge tyiym salatynyn eskertemiz. Sot biliginiń bedelin túsiretin áreketterdiń joly kesiledi» dep habarlady Joǵarǵy sot.
