Qazaqstanda zeinetaqy jinaǵyn alýdyń jetkiliktilik deńgeii aitarlyqtai ósedi, - dep habarlaidy "Ult aqparat".
Biryńǵai jinaqtaýshy zeinetaqy qory eń tómengi jetkiliktilik shegi (TJSh) qalai esepteletinin túsindirdi.
"2021 jyldyń qańtarynda Qazaqstan Respýblikasynyń «Qazaqstan Respýblikasynyń keibir zańnamalyq aktilerine ekonomikalyq ósýdi qalpyna keltirý máseleleri boiynsha ózgerister men tolyqtyrýlar engizý týraly» Zańy kúshine endi. Zańǵa sáikes azamattarǵa zeinetaqy jinaqtarynyń bir bóligin turǵyn úi jaǵdaiyn jaqsartý, emdelýdiń aqysyn tóleý, sondai-aq, jeke basqarýshy kompaniialarǵa investitsiialyq basqarýǵa berý úshin paidalaný quqyǵy berildi.
Bul quqyqty zeinetaqy jarnalaryn turaqty jáne tolyq kólemde aýdarý esebinen eń tómengi jetkiliktilik sheginen asatyn jáne bolashaqta eń tómengi zeinetaqy mólsherinen kem emes zeinetaqy tólemderin alýǵa múmkindik beretin jinaqtaryn qalyptastyrǵan salymshylar paidalana alady. Azamattardyń paidalanýy úshin qoljetimdi zeinetaqy jinaqtary tek mindetti zeinetaqy jarnalaryn jáne mindetti kásiptik zeinetaqy jarnalaryn ǵana emes, sondai-aq, olardy investitsiialaýdan alynǵan investitsiialyq tabysty da qamtidy.
QR «Qazaqstan Respýblikasynda zeinetaqymen qamsyzdandyrý týraly» Zańynda: «zeinetaqy jinaqtarynyń eń tómen jetkiliktiliginiń shegi - Qazaqstan Respýblikasynyń Úkimeti bekitken ádistemege sáikes aiqyndalǵan, respýblikalyq biýdjet týraly zańda belgilengen jáne tiisti qarjy jylynyń 1 qańtarynda qoldanysta bolatyn eń tómen zeinetaqy mólsherinen kem emes ai saiynǵy zeinetaqyny qamtamasyz etý úshin qajetti mindetti zeinetaqy jarnalary jáne (nemese) mindetti kásiptik zeinetaqy jarnalary esebinen qalyptastyrylǵan zeinetaqy jinaqtarynyń eń tómen mólsheri» dep aiqyndalǵan.
TJSh aiqyndaý ádistemesi Qazaqstan Respýblikasy Úkimetiniń 2013 jyldyń 2 qazanyndaǵy №1042 qaýlysymen (2021 jyldyń 6 qańtaryndaǵy ózgeristerimen jáne tolyqtyrýlarmen) bekitilgen.
Ádistemege sáikes TJSh mólsheri árbir jas erekshelikteri úshin esepteledi jáne bolashaq zeinetaqy tólemderi men zeinetaqy jarnalarynyń ósýin (indekstelýin) eskeredi. Bul rette Qazaqstan Respýblikasynyń «Respýblikalyq biýdjet týraly» Zańyna sáikes, jyl saiyn indeksteletin eń tómengi jalaqy (ETJ), eń tómengi zeinetaqy (ETZ), eń tómengi kúnkóris deńgeii (ETKD) siiaqty áleýmettik kórsetkishter qoldanylady. Osyǵan bailanysty TJSh mólsherin esepteý jyl saiyn atalǵan kórsetkishterdiń ósýin eskere otyryp júrgiziledi" - delingen habarlamada.
Sondai-aq, ádistemege sáikes TJSh anyqtaý úshin Qazaqstan Respýblikasy Eńbek jáne halyqty áleýmettik qorǵaý ministrliginiń usynysy boiynsha jáne Qazaqstan Respýblikasy Ulttyq ekonomika ministrliginiń kelisimi boiynsha jyl saiynǵy negizde qabyldanatyn kórsetkishter paidalanylady.
2022 jylǵa áleýmettik kórsetkishter mólsheri ulǵaitylǵandyqtan (atap aitqanda, ETJ mólsheri 2021 jyly 42 500 teńgeden 2022 jyly 60 000 teńgege deiin (nemese 41%) ósti.) 2022 jylǵa TJSh mólsheri de kóbeitildi. Atalǵan málimet tómende kórsetilgen:
Jas erekshelikteri | TJSh, teńgemen |
20 | 3 140 000 |
21 | 3 250 000 |
22 | 3 370 000 |
23 | 3 490 000 |
24 | 3 610 000 |
25 | 3 730 000 |
26 | 3 860 000 |
27 | 3 980 000 |
28 | 4 110 000 |
29 | 4 240 000 |
30 | 4 370 000 |
31 | 4 510 000 |
32 | 4 640 000 |
33 | 4 780 000 |
34 | 4 920 000 |
35 | 5 060 000 |
36 | 5 200 000 |
37 | 5 350 000 |
38 | 5 490 000 |
39 | 5 640 000 |
40 | 5 790 000 |
41 | 5 950 000 |
42 | 6 100 000 |
43 | 6 260 000 |
44 | 6 420 000 |
45 | 6 580 000 |
46 | 6 750 000 |
47 | 6 920 000 |
48 | 7 090 000 |
49 | 7 260 000 |
50 | 7 430 000 |
51 | 7 610 000 |
52 | 7 790 000 |
53 | 7 970 000 |
54 | 8 150 000 |
55 | 8 340 000 |
56 | 8 530 000 |
57 | 8 720 000 |
58 | 8 920 000 |
59 | 9 120 000 |
60 | 9 120 000 |
61 | 9 120 000 |
62 | 9 120 000 |
