Birjolǵy zeinetaqy tólemi paidalanylmasa ne bolady? Bul suraqqa jaýap BJZQ baspasóz qyzmeti taratqan aqparatta aitylǵan, dep habarlaidy "Ult aqparat".
2021 jyldyń 1 aqpanynan bastap BJZQ ýákiletti operator bolyp belgilengen bankterde ashylǵan salymshylardyń arnaiy shottaryna birjolǵy zeinetaqy tólemderin aýdara bastady.
Birjolǵy zeinetaqy tólemi ýákiletti operator – «Otbasy bank» turǵyn úi qurylys jinaq banki» AQ-daǵy arnaiy shotqa túskennen keiin alýshy 45 jumys kúni ishinde (Birjolǵy zeinetaqy tólemderin turǵyn úi jaǵdailaryn jaqsartý úshin Qazaqstan Respýblikasynyń zańnamasyna sáikes paidalaný qaǵidalarynyń 13-tarmaǵyna sáikes) ýákiletti operatorǵa birjolǵy zeinetaqy tólemderiniń nysanaly maqsatyn rastaityn qujattardy usynady.
Ýákiletti operatorǵa rastaýshy qujattardy belgilengen merzimde usynbaǵan jaǵdaida, bul qarajat salymshynyń BJZQ-daǵy zeinetaqy shotyna qaitarylýy tiis.
Salymshy suratqan zeinetaqy jinaqtarynyń somasyn BJZQ ýákiletti operatordaǵy arnaiy shotqa aýdarǵannan keiin 45 jumys kúni ishinde bul qarajattyń investitsiialyq basqarýdan alynatynyna, demek, oǵan investitsiialyq tabystyń eseptelmeitinine nazar aýdarǵymyz keledi.
BJZQ-ǵy zeinetaqy aktivteriniń 2020 jylǵy jyldyq tabystylyǵy 10,92% qurady. Eger osy derekterdi negizge alsaq, máselen, 45 jumys kúni ishinde maqsaty boiynsha paidalanylmaǵan birjolǵy zeinetaqy tóleminiń 5,5 mln teńge mólsherindegi ortasha somasyn ýákiletti operatordaǵy arnaiy shottan BJZQ-ǵa aýdarǵannan keiin osy kezeńdegi salymshy tolyq almaǵan investitsiialyq tabys mólsheri shamamen 100 myń teńgeni quraýy múmkin.
Budan basqa, arnaiy shotqa aýdarylǵan zeinetaqy jinaqtaryna infliatsiia deńgeiin eskere otyryp, olardyń saqtalýy boiynsha memlekettiń zańda kózdelgen kepildigi qoldanylmaidy. Sondai-aq, BJZQ-dan tólenetin birjolǵy zeinetaqy tólemderiniń somalarynan salymshy tańdaǵan jáne onyń ótinishinde kórsetilgen tásilge sáikes jeke tabys salyǵyn (JTS) esepteý jáne ustap qalý júrgiziledi.
Osyǵan orai, BJZQ-ǵa qarajatty qaitarý, investitsiialyq tabys pen memleket kepildigin joǵaltý, sondai-aq, JTS-ty merziminen buryn esepteý jaǵdailaryn boldyrmaý úshin salymshylarǵa birjolǵy zeinetaqy tólemderin paidalanýdy jaýapkershilikpen ári muqiiat josparlaýdy usynamyz. Zeinetaqy jinaqtarynyń maqsatty paidalanylýyn rastaý úshin qajetti qujattardyń tizimin ótinim bergenge deiin muqiiat zerdelep, olardy ýákiletti operatorǵa ýaqytyly usynýdy qamtamasyz etken jón.
