"Birjan sal" kórkem filmi ánshi - kompozitordyń ómirdegi mahabatty men ǵadaýatyn, sal - serilik saltanaty men baidyń itarshylarynan kórgen qorlyǵyn, ánshiniń ishke bitken biteý jarasyn kórsetken.
XIX - ǵasyr qazaq dalasynyń kóshpendiler ómirimen qoshtasý ǵasyry. Týǵan dalasynda myńdaǵan jyldyq dástúri qalyptasqan, tabiǵatpen etene aralasqan ulttyń órkeniettik dástúr aýystyrý sáti osy filmde rejisserlik kórkem sheshimder arqyly sátti kórsetilgen. Dalanyń azat uldarynyń qyl buraý, temir shengelge bas bergisi kelmei, ishtei qarsylasýy, egesýi filmde Birjan ánderiniń týýynyń sebepteri retinde isharalanady.
Ulttyq tamyryn izdeý, ulttyq dástúrlerdiń názik bastaýlaryn tanýǵa umtylý - bolashaǵyna baǵdar, aldaǵy kúnge baǵyt alǵan halyqtyń isi.
"Birjan sal" filmi qazaq kórermenine, keler urpaqqa ónerpaz babalardyń amanatyn jetkizýdi murat tutady.
Rejisser: Doshan Joljaqsynov
Stsenarii: Talasbek Ásemqulov
.jpg)
