Jer qoinaýyn paidalanýdy basqarýdyń biryńǵai memlekettik júiesinde 159 jer qoinaýyn paidalanýshy tirkeldi. Bul týraly QR Energetika ministrliginiń alqa májilisinde vedomstvo basshysy Nurlan Noǵaev aitty, dep habarlaidy QazAqparat.
«Qazirgi kezde Jer qoinaýyn paidalanýdy basqarýdyń biryńǵai memlekettik júiesinde 159 jer qoinaýyn paidalanýshy tirkelgen. Atalǵan memlekettik júie aiasynda: suiytylǵan munai gazyn jetkizý josparyn avtomatty biriktirý jáne qalyptastyrý maqsatynda jergilikti atqarýshy organdardan derekterdi alýǵa arnalǵan jiyntyq ótinim avtomattandyryldy. Sonymen qatar, esepterdi elektrondy túrde tapsyrý nysandary avtomattandyryldy. Syrtqy aqparattyq júielermen integratsiialyq ózara is-qimyl júzege asyryldy», - dedi ministr.
Munymen qosa, biyl munai jáne munai ónimderin jetkizý jospary men kestesin iske asyrý, litsenziialyq-kelisimsharttyq sharttar mindettemeleriniń oryndalýyn odan ári monitoringteý úshin qoldanystaǵy kelisimsharttar men olarǵa tolyqtyrýlardy tsifrlandyrý, esep tapsyrýdy elektrondy formatqa kóshirý úshin normativtik-quqyqtyq aktilerge ózgerister engizý josparlanǵan.
Aita keteiik, jer qoinaýyn paidalanýǵa arnalǵan 269 kelisimshart, onyń ishinde kómirsýtekter boiynsha 247 kelisimshart, ýran boiynsha 22 kelisimshart jasaldy. 2020 jyly 11 kelisimshart bekitildi.
