جەر قويناۋىن پايدالانۋدى باسقارۋدىڭ بٸرىڭعاي مەملەكەتتٸك جٷيەسٸندە 159 جەر قويناۋىن پايدالانۋشى تٸركەلدٸ. بۇل تۋرالى قر ەنەرگەتيكا مينيسترلٸگٸنٸڭ القا مەجٸلٸسٸندە ۆەدومستۆو باسشىسى نۇرلان نوعاەۆ ايتتى, دەپ حابارلايدى قازاقپارات.
«قازٸرگٸ كەزدە جەر قويناۋىن پايدالانۋدى باسقارۋدىڭ بٸرىڭعاي مەملەكەتتٸك جٷيەسٸندە 159 جەر قويناۋىن پايدالانۋشى تٸركەلگەن. اتالعان مەملەكەتتٸك جٷيە اياسىندا: سۇيىتىلعان مۇناي گازىن جەتكٸزۋ جوسپارىن اۆتوماتتى بٸرٸكتٸرۋ جەنە قالىپتاستىرۋ ماقساتىندا جەرگٸلٸكتٸ اتقارۋشى ورگانداردان دەرەكتەردٸ الۋعا ارنالعان جيىنتىق ٶتٸنٸم اۆتوماتتاندىرىلدى. سونىمەن قاتار, ەسەپتەردٸ ەلەكتروندى تٷردە تاپسىرۋ نىساندارى اۆتوماتتاندىرىلدى. سىرتقى اقپاراتتىق جٷيەلەرمەن ينتەگراتسييالىق ٶزارا ٸس-قيمىل جٷزەگە اسىرىلدى», - دەدٸ مينيستر.
مۇنىمەن قوسا, بيىل مۇناي جەنە مۇناي ٶنٸمدەرٸن جەتكٸزۋ جوسپارى مەن كەستەسٸن ٸسكە اسىرۋ, ليتسەنزييالىق-كەلٸسٸمشارتتىق شارتتار مٸندەتتەمەلەرٸنٸڭ ورىندالۋىن ودان ەرٸ مونيتورينگتەۋ ٷشٸن قولدانىستاعى كەلٸسٸمشارتتار مەن ولارعا تولىقتىرۋلاردى تسيفرلاندىرۋ, ەسەپ تاپسىرۋدى ەلەكتروندى فورماتقا كٶشٸرۋ ٷشٸن نورماتيۆتٸك-قۇقىقتىق اكتٸلەرگە ٶزگەرٸستەر ەنگٸزۋ جوسپارلانعان.
ايتا كەتەيٸك, جەر قويناۋىن پايدالانۋعا ارنالعان 269 كەلٸسٸمشارت, ونىڭ ٸشٸندە كٶمٸرسۋتەكتەر بويىنشا 247 كەلٸسٸمشارت, ۋران بويىنشا 22 كەلٸسٸمشارت جاسالدى. 2020 جىلى 11 كەلٸسٸمشارت بەكٸتٸلدٸ.
