Nur-Sultan qalasynyń soty burynǵy densaýlyq saqtaý ministri Eljan Birtanovqa qatysty úiqamaqta otyrý merzimin uzartý týraly sheshimdi ózgertpedi, dep habarlaidy Sputnik agenttigi.
Buǵan deiin tergeý soty Birtanovqa qatysty úiqamaq ýaqytyn kezekti ret uzartty. Prokýratýra qylmystyq is boiynsha sotqa deiingi tergeý aiaqtalǵanyn, endi protseske qatysýshylar qylmystyq is materialdarymen tanysýy kerek ekenin aitty.
Memlekettik aiyptaýshynyń aitýynsha, 133 tomnan turatyn ispen tanysý úshin kóbirek ýaqyt qajet.
Sol kezde sot prokýrordyń dálelimen kelisip, úiqamaq ýaqytyn 2021 jyldyń 14 qyrkúiegine deiin uzartty. Sýdianyń pikirinshe, Birtanov bostandyqta bolsa, qylmystyq isti obektivti tergeýge kedergi keltirýi (óz betinshe nemese senimdi adamdar arqyly) ne sot pen tergeýden jasyrynýy múmkin. Al Birtanovtyń advokattary úiqamaq merzimin uzartýǵa qarsy shyǵyp, apelliatsiiaǵa berdi.
Dúisenbide burynǵy densaýlyq saqtaý ministri úiqamaqqa qarsy shyqty.
"Byltyr qazanda maǵan urlyq jasady degen kúdik taǵyldy. On aidan keiin is qyzmetin teris paidalaný retinde qaita saralandy. Bul ártúrli bap – máni men jazasy da ártúrli", - dedi Birtanov.
"Kópshilik meniń biýdjet qarajatyn jymqyrýǵa qatysym bar dep eseptegeniniń ózi bálek nárse. Al uzaq ýaqyt ótkennen soń, tergeýden keiin urlyq pen qarjy jymqyrý bolmaǵany, laýazymdyq mindetin teris paidalandy degen kúdik taǵylǵany bólek jait. Men bul kúdikpen de kelispeimin jáne eshqandai teris paidalaný bolmaǵanyn dáleldeý úshin basty sot talqylaýyn asyǵa kútemin", - dedi ol.
Alaida qalalyq sot Birtanov pen advokattarynyń dálelimen kelispedi jáne ony úi qamaýynda qaldyrdy.
"Sýdia 14 shildede sottyń qylmystyq is materialdarymen tanysý kezeńinde kúdikti Birtanovtyń úi qamaýynda bolý merzimin sanktsiialaý týraly sheshimin ózgerissiz qaldyrsyn degen qaýly shyǵardy", - dedi Nur-Sultan qalalyq sotynyń sýdiasy Eleonora Ońǵarsynova.
Birtanovqa qandai aiyp taǵyldy?
Eljan Birtanov 2020 jyldyń 25 maýsymynda Qazaqstannyń densaýlyq saqtaý ministri qyzmetinen ketti (bul qyzmetti ol 2017 jyldan beri atqardy). Burynǵy sheneýniktiń ustalǵany týraly qarashanyń basynda belgili boldy: sol aida Birtanov úi qamaýyna alyndy, ol áli kúnge deiin qamaýda otyr.
Bastapqyda Birtanovqa memleket aqshasyn jymqyrdy degen aiyp taǵyldy, alaida sotqa deiingi tergeý aiaqtalǵanǵa deiin bes kún buryn bap "laýazymdyq ókiletin teris paidalaný" dep ózgertildi.
Qarjy monitoringi agenttiginiń pikirinshe, Birtanov patsientter, dári-dármekter jáne meditsinalyq buiymdar týraly barlyq derekti biriktirýge tiis bolǵan jumys istemeitin aqparattyq platformany qabyldap, paidalanýǵa berdi. Qazir platforma jumys istemeidi, al oryndalmaǵan jumystardyń quny 1,5 milliard teńgege baǵalanady.
Budan basqa Birtanovqa ókiletin asyra paidalandy degen taǵy bir aiyp taǵylǵan. Ol 2020 jyldyń maýsymynda Tarazdan Nur-Sultanǵa jetý úshin sanaviatsiia ushaǵyn zańsyz paidalanǵan degen kúdikken ilindi.
