Búgin QR Densaýlyq saqtaý ministri Eljan Birtanov Nur-Sultan qalasyndaǵy jekemenshik meditsinalyq ortalyqtaryn aralady. Bul jaiynda ministrdiń baspasóz hatshysy Gaýhar Bisarina Facebook-tegi paraqshasynda jazdy, dep habarlaidy "Ult aqparat".
Onyń atap ótýinshe, Eljan Birtanov eń aldymen Nur-Sultandaǵy MÁMS aiasynda balalarǵa tegin konsýltatsiialyq qyzmet kórsetetin jekemenshik ońaltý ortalyǵyn aralady. Ortalyqta protsedýralarǵa qajetti barlyq jaǵdai jasalǵan. Onyń ishinde massaj kabineti, EDSh, fizioemdeý, tuzdy shahta, emshara kabineti jáne basqalary bar.
«Ortalyq DTsP, entsefalopatiiasy jáne joǵarǵy tynys alý joldarynyń sozylmaly patologiialary bar balalarǵa meditsinalyq kómek kórsetýge baǵyttalǵanyn atap ótý qajet. Jylyna 700-den astam bala ońaltýdan ótedi. Sondai-aq, ministr jekemenshik meditsinalyq ortalyqtardy qoldaitynyn jetkizdi jáne klinikalar innovatsiialyq tehnologiialardy engizip, halyqqa sapaly meditsinalyq kómek kórsetý maqsatynda emdeý standarttaryn saqtaýy tiis ekenin atap ótti», - dep jazdy Gaýhar Bisarina.
