Densaýlyq saqtaý ministri Eljan Birtanov Úkimet otyrysynda əkimderden aýyldyq jerlerde dəriger tapshylyǵy máselesin baqylaýda ustaýdy surady, dep habarlaidy Baq.kz tilshisi.
"Kadrlyq qamtamasyz etýdi jaqsartý jəne meditsinalyq qyzmetkerlerdiń biliktiligin, deńgeiin arttyrý sheńberinde birneshe is-shara josparlanǵan. Olardyń arasynda meditsinalyq joǵary oqý oryndary men kolledjderge túsý úshin qosymsha emtihan engiziledi. JOO men kolledjderdiń túlekterin mindetti túrde táýelsiz baǵalaý zańdy túrde bekitiledi. Táýelsiz baǵalaý nətijesinde biz oqý oryndary túlekterin əri qarai jumysqa turǵyzý múmkindikterin qarastyramyz", - dedi Birtanov.
Ministrdiń aitýynsha, əkimdikterdiń jas mamandarǵa əleýmettik qoldaý sharalaryn kórsetý boiynsha jaýapkershiligi kúsheitiledi.
"Qazir jas mamandardyń 32 paiyzy əleýmettik qoldaý alady. Bul kórsetkishti 60 paiyzǵa jetkizý qajet. Qurmetti əkimder, aýyldyq jerlerdegi kadrlar tapshylyǵy máselesi, olardy motivatsiialaý, əleýmettik qoldaý sizderdiń qoldaryńyzda. Atalǵan máseleni jeke baqylaýda ustaýlaryńyzdy suraimyn", - dedi Eljan Birtanov.
