Astanada ekinshi aýysymda oqityn 0-4 synyp oqýshylaryna sabaq bolmaidy, dep habarlaidy qalalyq bilim basqarmasy.
Al "Qazgidromet" málimetinshe, elordada túnde synap baǵanasy 35-37 gradýsqa deiin tómen túsedi.
Shyǵys Qazaqstan oblysynyń Altai aýdanynda 40 gradýs aiazǵa bailanysty birinshi jáne ekinshi aýysymdaǵy 1-11 synyp oqýshylary, sondai-aq, kolledjderdiń birinshi jáne ekinshi kýrs stýdentteri sabaqqa barǵan joq.
Óskemende synap baǵanasy 36 gradýs aiazdy kórsetip tur, sol sebepti birinshi jáne ekinshi aýysymda oqityn 1-11 synyp oqýshylary, sonymen qatar, kolledjderdiń birinshi jáne ekinshi kýrs stýdentterine sabaq bolmaidy. Ridder men Semeide de osyǵan uqsas jaǵdai.
Búgin Qaraǵandyda birinshi jáne ekinshi aýysymda oqityn 0-11 synyp oqýshylary da qaqaǵan aiazǵa bailanysty demalady. Pavlodarda ekinshi aýysymdaǵy 1-9 synyp oqýshylary úshin mektep "jabyq".
Qazaqstandy osymen úshinshi táýlik qatty aiaz qysyp tur. Batysta, soltústik-batysta, kúndiz soltústikte qar jaýady. Keibir jerlerde tuman túsip, kóktaiǵaq bolady, burqasyndatyp, jel kúsheiedi.
