QR Sybailas jemqorlyqqa qarsy is-qimyl agenttigi sýbsidiialaý boiynsha birqatar óńir ákimdikteriniń laýazymdy tulǵalarynan quralǵan qylmystyq toptardy áshkereledi, dep habarlaidy QazAqparat.
«Sybailas jemqorlyqqa qarsy is-qimyl agenttiginiń arnaiy aýqymdy operatsiiasy nátijesinde QR Aýyl sharýashylyǵy ministrligine baǵynysty bólimsheler men uiymdardyń jáne Nur-Sultan, Shymkent qalalarynyń jáne Aqmola, Túrkistan, Jambyl oblystary, ShQO, BQO, Atyraý, Aqtóbe oblystarynyń ákimdikteriniń laýazymdy tulǵalarynan turatyn qylmystyq toptar áshkerelendi. Olar sýbsidiialaýǵa bólingen qarajatty jymqyrýmen ainalysqan, kásipkerlerden júieli túrde para men zańsyz syiaqy alýdyń jemqorlyq shemasyn uiymdastyrǵan. Qazirgi ýaqytta tergeý amaldary júrgizilip jatyr. Zattai dáldelder alyndy. Qylmysqa qatysy bar 30-dan astam adam anyqtaldy, olardyń kópshiligi qazir kinásin tolyq moiyndap, tergeý tobymen yntymaqtastyq ornatýda. Ózge aqparat tergeý múddesine bailanysty jariia etilmeidi», - dedi QR Sybailas jemqorlyqqa qarsy is-qimyl agenttigi tóraǵasynyń kómekshisi Shyńǵys Álekeshev.
Buǵan deiin habarlanǵandai, Sybailas jemqorlyqqa qarsy is-qimyl agenttigi sýbsidiialaý salasynda keshendi taldaý jumystaryn bastady. Atalǵan quqyqbuzýshylyq ta sol amaldar aiasynda anyqtalyp otyr.
