قر سىبايلاس جەمقورلىققا قارسى ٸس-قيمىل اگەنتتٸگٸ سۋبسيدييالاۋ بويىنشا بٸرقاتار ٶڭٸر ەكٸمدٸكتەرٸنٸڭ لاۋازىمدى تۇلعالارىنان قۇرالعان قىلمىستىق توپتاردى ەشكەرەلەدٸ, دەپ حابارلايدى قازاقپارات.
«سىبايلاس جەمقورلىققا قارسى ٸس-قيمىل اگەنتتٸگٸنٸڭ ارنايى اۋقىمدى وپەراتسيياسى نەتيجەسٸندە قر اۋىل شارۋاشىلىعى مينيسترلٸگٸنە باعىنىستى بٶلٸمشەلەر مەن ۇيىمداردىڭ جەنە نۇر-سۇلتان, شىمكەنت قالالارىنىڭ جەنە اقمولا, تٷركٸستان, جامبىل وبلىستارى, شقو, بقو, اتىراۋ, اقتٶبە وبلىستارىنىڭ ەكٸمدٸكتەرٸنٸڭ لاۋازىمدى تۇلعالارىنان تۇراتىن قىلمىستىق توپتار ەشكەرەلەندٸ. ولار سۋبسيدييالاۋعا بٶلٸنگەن قاراجاتتى جىمقىرۋمەن اينالىسقان, كەسٸپكەرلەردەن جٷيەلٸ تٷردە پارا مەن زاڭسىز سىياقى الۋدىڭ جەمقورلىق سحەماسىن ۇيىمداستىرعان. قازٸرگٸ ۋاقىتتا تەرگەۋ امالدارى جٷرگٸزٸلٸپ جاتىر. زاتتاي دەلدەلدەر الىندى. قىلمىسقا قاتىسى بار 30-دان استام ادام انىقتالدى, ولاردىڭ كٶپشٸلٸگٸ قازٸر كٸنەسٸن تولىق مويىنداپ, تەرگەۋ توبىمەن ىنتىماقتاستىق ورناتۋدا. ٶزگە اقپارات تەرگەۋ مٷددەسٸنە بايلانىستى جارييا ەتٸلمەيدٸ», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ كٶمەكشٸسٸ شىڭعىس ەلەكەشەۆ.
بۇعان دەيٸن حابارلانعانداي, سىبايلاس جەمقورلىققا قارسى ٸس-قيمىل اگەنتتٸگٸ سۋبسيدييالاۋ سالاسىندا كەشەندٸ تالداۋ جۇمىستارىن باستادى. اتالعان قۇقىقبۇزۋشىلىق تا سول امالدار اياسىندا انىقتالىپ وتىر.
