Islam jáne Ortalyq Aziia – Ál-Farabi atyndaǵy Qazaq Ulttyq ýniversiteti jáne AQSh, Massachýsets ýniversiteti aralyǵyndaǵy birlesken joba Massachýsets ýniversiteti (University of Massachusetts) professory Dilshod Achilovpen (Dilshod Achilov) ál-Farabi atyndaǵy Qazaq Ulttyq ýniversiteti, dintaný jáne mádeniettaný kafedrasynyń meńgerýshisimen, filosofiia ǵylymdarynyń doktory, professor Qurmanalieva Ainur Dúrbeleńqyzymen kezdesý ótti.
Professor Achilov atalǵan kafedrada «6D020600-Dintaný» mamandyǵy PhD doktoranttarynyń sheteldik ǵylymi keńesshisi bolyp tabylady. Onyń zertteý salasy salystyrmaly jáne halyqaralyq saiasat, zertteý ádisteri, demokratizatsiia, azamattyq qoǵam, saiasi islam jáne t.b. qamtidy. Amerika-arab qatynastary boiynsha Ulttyq Keńes múshesi bolyp, Garvard ýniversitetindegi Evraziialyq zertteýler ortalyǵynda vizit professor qyzmetin atqarǵan. Onyń zertteýleri álemniń jetekshi basylymdarynda jaryq kórgen, sonyń ishinde: Social Science Quarterly, Democratization, International Political Science Review, Journal of Central Asian Studies jáne t.b.
Jýyrda jaryq kóretin «Routledge Handbook of Central Asian Politics» (Routledge Press) «Ortalyq Aziia saiasaty» atty kitabynyń redaktory bolyp tabylady. Professor Dilshod Achilov Qazaqstanǵa kelgen issapar maqsaty – elimizdegi JOO-daǵy, mektep, kolledjderdegi islamdyq, islamtanýlyq bilim berý baǵdarlamarymen tanysý, sonymen qatar Qazaqstan jáne AQSh, Taiaý Shyǵys t.b. óńirlerindegi islamtaný boiynsha bilim berý baǵdarlamalaryn salystyrmaly taldaý jasaý. Issapar barysynda ál-Farabi atyndaǵy QazUÝ, filosofiia jáne saiasattaný fakýlteti magistranttaryna jańa islamdyq destrýktivti uiymdar máselesi boiynsha dárister oqydy.
Professor Ainur Dúrbeleńqyzymen kezdesý barysynda Massachýsets ýniversiteti jáne QazUÝ arasynda kelesi yntymaqtastyq máseleleri talqylandy: eki ýniversitet barysynda kelisim shart ornatý, islamtaný boiynsha qos diplom bilim berý baǵdarlamasy aiasynda «Ortalyq Aziiadaǵy islam» atty ortaq joba oryndaý, stýdentterge onlain kýrs daiyndaý, magistrant, doktoranttardyń ǵylymi taǵylymdamasy jáne t.b.
Sonymen qatar, Massachýsets ýniversiteti stýdentteriniń diplomdyq jobalary aiasynda ál-Farabi atyndaǵy QazUÝ-ne issapar máselesi qarastyryldy, dálirek aitqanda sheteldik stýdentterge arnalǵan taǵylymdama baǵdarlamasy, akademiialyq utqyrlyq máseleleri qarastyryldy.
Professor Dilshod Achilov ál-Farabi atyndaǵy QazUÝ-degi islamtaný mamandyǵy oqý baǵdarlamalaryna erekshe qyzyǵýshylyǵyn tanytyp, «Ortalyq Aziiadaǵy islam» atty birlesken joba oryndaýy boiynsha yqylasyn bildirdi. Álemniń bedeldi jáne tanymal Massachýsets ýniversitetimen yntymaqtastyq ornatý Qazaq ulttyq ýniversiteniń álemdik bilim jáne ǵylym keńistigine integratsiia úderisin kúsheite túspek.
Aldjanova N.K.
Ál-Farabi at.QazUÝ, dintaný jáne mádeniettaný kafedrasynyń ǵylymi-innovatsiialyq jáne halyqaralyq qyzmettestik jumys boiynsha meńgerýshi orynbasary, PhD
