Foto: ©Tengrinews.kz/Týrar Kazangapov
«Qazgidromet» RMK 18 qańtarda aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Almaty oblysynyń ońtústiginde, shyǵysynda tuman, kóktaiǵaq kútiledi. Batystan soǵatyn jeldiń ekpini túnde 18-23 m/s quraidy.
Kúndiz Batys Qazaqstan oblysynyń batysynda, soltústik-batysynda kóktaiǵaq kútiledi. Jel ońtústik-batystan, ońtústikten soǵady, kúndiz óńirdiń batysynda, soltústik-batysynda ekpini 15-20 m/s artady. Oblystyń ońtústik-batysynda tuman boljanady.
Qyzylorda oblysynyń ortalyǵynda tuman, ońtústiginde kóktaiǵaq kútiledi.
Aqtóbe oblysynyń ońtústiginde jáne shyǵysynda tuman bolady.
Túrkistan oblysynyń ońtústiginde, batysynda, sondai-aq taýly, taý bókterli aýdandarynda tuman kútiledi. Shyǵystan jel soǵady, kúndiz oblystyń taýly aýdandarynda onyń kúshi 15-20 m/s jetedi.
Shymkent qalasynda kei ýaqytta tuman boljanady.
Aqmola oblysynyń soltústik-batysynda, ońtústik-shyǵysynda jaiaý burqasyn kútiledi. Ońtústik-batystan jel soǵady, óńirdiń soltústik-batysynda, ońtústik-shyǵysynda ekpini 15-20 m/s jetedi.
Shyǵys Qazaqstan oblysynyń batysynda, soltústik-shyǵysynda jaiaý burqasyn júrip, joldarda kóktaiǵaq bolady, soltústiginde tuman kútiledi.
Soltústik Qazaqstan oblysynyń ońtústik-shyǵysynda tuman boljanady. Ońtústik-batystan jel soǵady, oblystyń soltústiginde, soltústik-shyǵysynda ekpini 15-20 m/s quraidy.
Qaraǵandy oblysynyń soltústiginde, ońtústiginde tuman kútiledi.
Jambyl oblysynda 19, 20 qańtarda qatty jaýyn-shashyn (jańbyr, qar) kútiledi. Oblystyń soltústiginde, ońtústik-batysynda, taýly jáne taý bókterli aýdandarynda tuman, kóktaiǵaq boljanady. Soltústik-shyǵystan soǵatyn jel ońtústik-batysqa aýysady, oblystyń ońtústik-batysynda, soltústik-shyǵysynda jáne taýly aýdandarynda jeldiń ekpini 15-20 m/s quraidy. Kúndiz 19 qańtarda, túnde 20 qańtarda jyldamdyǵy 23-28 m/s artady.
