Aýa raiynyń buzylýyna bailanysty Qazaqstannyń birqatar óńirinde eskertý jariialandy, dep habarlaidy "Ult aqparat" «Qazgidrometke» silteme jasap.
23-24 sáýirde Batys Qazaqstan oblysynyń kei jerlerinde jaýyn-shashyn, kúndiz burshaq jaýady. Jel batystan soǵady, kúshi - kei jerlerde 15-20 m/s. Túnde oblystyń soltústik-batysynda 3 gradýs úsik kútiledi.
24 sáýirde Aqtóbe oblysynyń kei jerlerinde jaýyn- shashyn jaýady, daýyl kútiledi. Ońtústik-batystan jel soǵady, kei jerlerde ekpini 15-20, 23 m/s jetedi. Túnde kei jerlerde 3 gradýs úsik júredi.
23 sáýirde Qostanai oblysynyń kei jerlerinde naizaǵai jarqyldap, tuman túsedi. Ońtústik- batystan soqqan jeldiń qarqyny - túnde kei jerlerde 15-20 m/s, kúndiz - 15-20, jalpy ekpini - 23-28 m/s deiin kúsheiedi.
Erteń Qostanai qalasynda ońtústik-batystan jel soǵady, jel jyldamdyǵy - 15-20 m/s.
23 sáýir kúndiz Pavlodar oblysynyń kei jerlerinde naizaǵai, daýyl soǵady . Ońtústik-batystan soqqan jeldiń kúshi - kei jerlerde 15-20, kúndiz - 25 m/s jetedi.
Pavlodar qalasynda ońtústik-batystan soqqan jeldiń ekpini 18 m/s bolady.
23 sáýirde Aqmola oblysynyń kei jerlerinde kún kúrkirep, daýyl soǵady, burshaq jaýady. Ońtústikten jáne ońtústik-batystan soqqan jeldiń ekpini kei jerlerde 15-20 m/s, 23 m/s deiin kúsheiedi.
23 sáýir Nur-Sultan qalasynda naiǵazai jarqyldap, daýyl turady. Burshaq jaýady. Ońtústikten jáne ońtústik-batystan jyldamdyǵy sekýndyna 15-18 metrge jetetin kúshti jel soǵady.
