Birqatar mashina jasaý ónimi ulttyq rejimnen shyǵarylady. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Biyl mashina jasaý salasynda da ósim bolady dep josparlap otyrmyz. Naqty kólem indeksi 113 paiyzdy quraidy. Negizgi ósim mashina jasaý salasyndaǵy úlesi 35 paiyzdy quraityn avtomobil qurastyrý sektory esebinen bolady. Avtokólik óndirisin 29 paiyzǵa arttyryp, 100 myń danaǵa deiin jetkizý, temirjol vagondaryn 180, aýylsharýashylyǵy tehnikalaryn 58, akkýmýliatorlar óndirisin 10 paiyzǵa jetkizý josparlanǵan», - dedi óńdeý ónerkásibin damytý jaiynda baiandaǵan ministr.
Onyń atap ótýinshe, otandyq óndirýshiden satyp alynǵan avtomobilderdi lizingtik qarjylandyrý baǵdarlamasy jalǵasady.
«Sondai-aq, birqatar mashina jasaý ónimi ulttyq rejimnen shyǵarylady», - dedi Beibit Atamqulov.
