بٸرقاتار ماشينا جاساۋ ٶنٸمٸ ۇلتتىق رەجيمنەن شىعارىلادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«بيىل ماشينا جاساۋ سالاسىندا دا ٶسٸم بولادى دەپ جوسپارلاپ وتىرمىز. ناقتى كٶلەم يندەكسٸ 113 پايىزدى قۇرايدى. نەگٸزگٸ ٶسٸم ماشينا جاساۋ سالاسىنداعى ٷلەسٸ 35 پايىزدى قۇرايتىن اۆتوموبيل قۇراستىرۋ سەكتورى ەسەبٸنەن بولادى. اۆتوكٶلٸك ٶندٸرٸسٸن 29 پايىزعا ارتتىرىپ, 100 مىڭ داناعا دەيٸن جەتكٸزۋ, تەمٸرجول ۆاگوندارىن 180, اۋىلشارۋاشىلىعى تەحنيكالارىن 58, اككۋمۋلياتورلار ٶندٸرٸسٸن 10 پايىزعا جەتكٸزۋ جوسپارلانعان», - دەدٸ ٶڭدەۋ ٶنەركەسٸبٸن دامىتۋ جايىندا بايانداعان مينيستر.
ونىڭ اتاپ ٶتۋٸنشە, وتاندىق ٶندٸرۋشٸدەن ساتىپ الىنعان اۆتوموبيلدەردٸ ليزينگتٸك قارجىلاندىرۋ باعدارلاماسى جالعاسادى.
«سونداي-اق, بٸرقاتار ماشينا جاساۋ ٶنٸمٸ ۇلتتىق رەجيمنەن شىعارىلادى», - دەدٸ بەيبٸت اتامقۇلوۆ.
