QR Bilim jáne ǵylym ministri Erlan Saǵadiev ákimdikterden oqýlyqtardy ýaqytynda jetkizýdi surady, dep xabarlaidy QazAqparat tilshisi.
"Negizi, oqýlyqtardy jetkizý - ákimdikterdiń jaýapkershiligine jatatyn másele. Jalpy, oblystar kitaptardy jetkizý boiynsha kólik kompaniialarymen kelisimsharttardy rásimdedi. Birneshe óńirler, onyń ishinde Astana qalasy, Batys Qazaqstan oblysynyń Zelenov aýdany, Túrkistan oblysynyń tórt aýdany osy kúnge deiin bul jumysty bastaǵan joq. Jańa oqý jylyna deiin 20 kún qaldy. Sondyqtan atalǵan jerlerge oqýlyqtardy ýaqytynda jetkizbeý qaýpi bar. Jergilikti atqarýshy organdardyń barlyǵynan osy máselege nazar aýdarýdy suraimyn", - dedi E.Saǵadiev Úkimettiń búgingi otyrysynda.
Aita keteiik, otyrys barysynda ministr jańartylǵan mazmundaǵy bilim berý máselesine de toqtaldy. Onyń aitýynsha, jospar boiynsha biyl birqatar synyptar bilimniń jańartylǵan mazmunyna kóshetin bolady. "Ótken jyldan bastap 1-shi, 2-shi, 5-shi jáne 7-shi synyptar jańa oqý baǵdarlamasy boiynsha bilim alýda. Osy 2018-shi oqý jylynan bastap qosymsha 3-shi, 6-shy jáne 8-synyptar jańartylǵan mazmun boiynsha bilim ala bastaidy. Olarǵa arnalǵan oqýlyqtar daiyn. Barlyǵy saraptamadan ótti, basyldy. Oqýlyqtardy oblystarǵa jetkizý jumysy bastalyp ketti", - dedi E.Saǵadiev.
