Ata-analardan birinshi synypqa qabyldaý týraly 285 myńnan astam ótinish túsken, dep habarlaidy "Ult aqparat".
Bilim ministrliginiń baspasóz qyzmetiniń habarlaýynsha, qujattardy qabyldaý 1 tamyzǵa deiin jalǵasady. Al birinshi sáýirden beri 285 myńnan astam ótinish túsken.
«Qujattardy qabyldaý 4 aiǵa uzartylǵan bolatyn. Bul ata-analarǵa da, mektep ákimshilikterine de oqý protsesine daiyndyqty aldyn ala oilastyrýǵa múmkindik beredi. Sondai-aq 10 tamyzdan keiin mektepterde daiyndyq toby jumysyn bastaidy, oǵan ata-analardyń qalaýy boiynsha mektepke deiingi mekemelerge barmaǵan nemese mektepaldy daiarlyqtan ótpegen balalar bara alady», – deidi Bilim jáne ǵylym ministrligi Mektepke deiingi jáne orta bilim komiteti tóraǵasynyń orynbasary Jomart Qarambaev.
Ótinishterdi qabyldaý Egov.kz elektrondyq úkimet portaly arqyly elektrondyq formatta júrgizilip jatyr. Mektepke qabyldaný úshin kelesi qujattardy usyný qajet:
- balanyń densaýlyq jaǵdaiy týraly qujattar (balanyń densaýlyq pasporty №026/ý-3, №063/ý nysany boiynsha meditsinalyq anyqtama);
- balanyń kólemi 3h4 sm tsifrlyq fotosýreti. Ótinish 1 jumys kúni ishinde qaralady.
«Qyzyl» aimaqqa engen óńirlerde turatyn ata-analar meditsinalyq anyqtamalardy oqý jylynyń bastalýyna deiin ala alady. Vedomstvonyń boljamy boiynsha osy oqý jylynda birinshi synypqa 380 myńnan astam oqýshy barady», - dep jazylǵan ministrliktiń baspasóz málimetinde.
