Almatyda «Birgemiz» qorynan 50 myń teńge kóleminde birrettik kómek tóleý aiaqtaldy, dep habarlaidy "Ult aqparat".
«Osy joly qordyń sheshimi boiynsha birjolǵy kómek ataýly áleýmettik kómek alýshylarǵa, I – II toptaǵy múgedekterge (jasy boiynsha zeinetkerler) berildi. Sonymen qatar, eń tómengi nemese odan tómen zeinetaqy alatyn zeinetkerler de aldy. Olardyń sany shamamen 1000 adam. Budan bólek, kómek alýshylar qatarynda múgedek balaǵa kútim jasaityn adamdar, Ekinshi dúniejúzilik soǵysynyń qatysýshylary men múgedekteri, olarǵa teńestirilgen adamdar, tyl eńbekkerleri men tul jetimder bar»,– dep habarlady «Nur Otan» partiiasynyń Almaty qalalyq filialy.
Megopliste birrettik kómekti barlyǵy 8078 adam aldy.
«Kórsetilgen aqshalai kómek men úshin úlken demeý boldy. Ásirese qazir, kúzde jyly kiim satyp alý qajet bolǵan kezde. Meniń tórt balam bar, olardyń úlkeni 17 jasta, al kishisi 5 jasta. Bul Elbasynyń der kezinde bergen syiy»,- dedi kópbalaly ana Bibigúl.
Birjolǵy kómek alǵan kóptegen turǵyndar áleýmettik jelilerdegi jeke paraqshalarynda óz qýanyshtarymen bólisip, «Nur Otan» partiiasynyń kóshbasshysy, Elbasyna alǵystaryn bildirdi. Olardyń ishinde I top múgedegi Ermek Baisalbek pen Nigora Ibragimova, Aýǵan soǵysyna qatysýshy Altai Ótebaiuly jáne taǵy basqalary bar.
Esterińizge salsaq, «Birgemiz» qory 2020 jyldyń naýryz aiynda Tuńǵysh Prezident, «Nur Otan» partiiasynyń Kóshbasshysy Nursultan Nazarbaevtyń bastamasymen koronavirýspen kúres jaǵdaiynda halyqtyń áleýmettik osal toptaryn qoldaý úshin qurylǵan bolatyn.
Jalpy alǵanda, 60 myńnan astam adam qor qarajatynan besinshi tolqynnyń esebimen 50 myń teńgeden materialdyq kómek aldy.
