Májilis depýtattary búgin Nur-Sultan qalasynyń mańynda ótken #Birge #TazaQazaqstan ekochellendjine qatysty, dep habarlaidy QR Parlamenti Májilisiniń baspasóz qyzmeti.
Májilistegi barlyq saiasi partiialardyń parlamenttik fraktsiialary «Nur Otan», «Aq jol», «QKHP», Qazaqstan halqy Assambleiasy, sondai-aq Májilis apparattarynyń qyzmetkerleri men eriktiler Qosshy aýylynyń janyndaǵy Nura ózeniniń jaǵasyn qoqystardan tazartty.
Plastikalyq jáne shyny bótelkeler, qurylys jáne jyldar boiy jinalǵan turmystyq qaldyqtar ártúrli konteinerlerde jinalyp, ári qarai óńdeý men joiýǵa shyǵaryldy.
«Májilis depýtattary Birge Taza Qazaqstan aktsiiasyn qoldaidy. Mundai aktsiialardyń qajet ekeni sózsiz. Osy oraida, tabiǵatty saqtaýdyń eń basty sharty - ony lastamaý. Biz aldaǵy sessiiada qorshaǵan ortany lastaǵany úshin jazany qataitý boiynsha jumys isteitin bolamyz. Ásirese, qazir Úkimetpen birge biz jańa Ekologiialyq kodeksti ázirleý ústindemiz. Bul máselelerdiń bári sol jerde eskeriledi dep oilaimyn, - dedi Májilistiń Ekologiia jáne tabiǵatty paidalaný komitetiniń tóraǵasy Gleb Shegelskii.
Ekologiialyq aktsiiaǵa barlyǵy 1500 adam qatysyp, 7 tonnaǵa jýyq qoqys jinalyp, shyǵaryldy.
