Foto: Polisia.kz
Almaty politsiiasy ózgeniń kóligin órtep jibergen kúdiktini ustady, - dep habarlaidy «Ult aqparat» Polisia.kz saityna silteme jasap.
Ol anonimdi tapsyrys berýshiniń aitqanyn aqsha úshin oryndaǵanyn moiyndady.
"Bótenniń múlkin qasaqana joiý deregine qatysty qylmystyq is tergelýde. Qazirgi ýaqytta qylmysqa qatysy bar basqa adamdardyń jáne tapsyrys berýshiniń jeke basyn, sonymen qatar onyń sebebin anyqtaýǵa baǵyttalǵan jedel-tergeý sharalary júrgizilip jatyr. Saraptama taǵaiyndaldy. Kúdikti ýaqytsha ustaý izoliatoryna qamaldy", - dedi Áýezov aýdandyq politsiia basqarmasynyń bastyǵy Ulan Ábilqaiyr.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
