Ystyqkólde 11 tamyz kúni keshke tirkelgen avtobýs apatynan zardap shekken qazaqstandyqtar joq. QR SIM resmi ókili Aibek Smadiiarov apatqa qatysty osylai dep málimdedi, dep habarlaidy QazAqparat tilshisi.
«Keshe saǵat onnan keiin Tamshy aýylynyń janynda qazaqstandyq avtobýs jol apatyna ushyrap, joldyń shetine ushyp, shyǵyp ketken. Atalǵan apattyń saldarynan birde-bir qazaqstandyq zardap shekken joq. Ózderiniń baratyn jerine basqa avtobýspen jetkizilip, qazirgi tańda demalystaryn jalǵastyryp jatyr», - dedi Aibek Smadiiarov QR SIM-de ótken jiynnan keiin tilshilerdiń suraǵyna jaýap bere otyryp.
Eske sala ketsek, buǵan deiin Ystyqkól jaǵasyndaǵy Chok-Tal aýylynda qazaqstandyqtar mingen avtobýs apatqa ushyraǵany habarlanǵan bolatyn. Quqyq qorǵaý organdarynyń málimdeýinshe, 11 tamyz kúni keshkisin júrgizýshi joldaǵy kólikterdiń birinen oza bergende, avtobýsty tizgindei almai qalǵan. Avtobýs «Lexus» jeńil kóligimen soqtyǵysyp, joldyń shetine shyǵyp ketken.
