Aqtóbede «Golden city» qarjy uiymyna aldanǵandar politsiiaǵa aryz jaza bastady, dep habarlaidy "Ult aqparat".
Aqtóbe qalasynda taiaýda qarjy piramidasyna qatysty tergeý bastalǵan bolatyn. Búgin taǵy bir uiymǵa qatysty qylmystyq is qolǵany belgili boldy.
«Qylmystyq kodekstiń 217-baby boiynsha sot aldy tergeý jumystary bastaldy. Zardap shekkender Sazdy politsiia bólimine baryp, aryz jazýy tiis», - dedi oblystyq PD baspasóz qyzmetiniń jetekshisi.
Aldanǵandar arasynda otbasymen aqsha aýdarǵandar bar. Olardyń árqaisysy 300 myń teńgeden qarjy salǵan.
«Úsh ai ishinde aqshany eki ese ústemaqymen qaitarýǵa bolatynyn aityp, ýáde berdi. Qolymyzda kelisimshart ta bar. Bir otbasyndaǵy bes adamnyń árqaisysy 300 myń teńge apardy. Barlyǵy 1,5 mln teńge boldy. Alýǵa kelgende basshylyq joq, qaida bararymyzdy bilmei júrmiz», - deidi salymshy Gúljan Berishbaeva.
