«Jolaýshylar tasymaly» AQ Marketing jáne satý departamentiniń direktory Almas Aitbaev Nur-Sultan jáne Almaty qalalary karantin rejimine kóshýine bailanysty qandai baǵyttaǵy poiyzdardyń jumysy toqtaǵanyn aitty, dep habarlaidy QazAqparat.
«Búginge deiin 9 memleketaralyq poiyz, Qazaqstan aýmaǵynda 7 poiyz baǵyty qysqartyldy. Elimizde júretin poiyzdar ázirge shtattyq rejimde jumys isteýde. Bul másele qazirgi ýaqytta Úkimet deńgeiinde qaralyp jatyr», - deidi «Jolaýshylar tasymaly» AQ Marketing jáne satý departamentiniń direktory Almas Aitbaev.
Ol elimizdegi QTJ kassalarynyń sany 230 ekenin jáne olar táýlik boiy kúsheitilgen rejimde jumys istep jatqanyn aitty.
«Bir táýlik ishinde qaitarylǵan bilet sany 11-12 ese ósti. Mysaly, buryn bir táýlikte 7 myń bilet qaitarylsa, qazirgi ýaqytta táýligine 80 myń bilet qaitarylýda. Biletti ótkizý úshin bilet pen jeke kýálikti kórsetý kerek», - deidi ol.
