"Alaiaqtyq jasady" dep aiyptalyp, 6 jylǵa sottalǵan Gaýhar Álimbekova jaily jańalyqty estigen ánshiler eseńgirep qalǵan. Elimizdiń shoý-biznes ókilderi men tanymal tulǵalary aqsha jinap, isti bolǵan áriptesteriniń qaryzyn jaýyp bermek, - dep habarlaidy NUR.KZ.
Olardyń arasynda Jazira Baiyrbekova, Láilá Sultanqyzy, Gúlzira Aidarbekova, Ǵani men Bota bar.
"Bul qalai bolǵany? Bul jerde bir shikilik bar. "Qońyrattyń aqbolatymyz" dep ekeýmiz maqtanatyn edik. Mendegi barlyq nómirge habarlastym. Bári óshirýli! Gúlnár (sińlisi), kim bar baýyrlarynan? Maǵan habarlasyńyzdarshy", - dedi Láilá Sultanqyzy Instagram paraqshasynda.
Al Ǵani men Bota: "Gaýxarǵa barynsha qoldaý kórseteiik, qurmetti áriptester! Bireýdiń aldap-arbaýyna túsip qalǵan sekildi", - dep kópshilikke úndeý tastaǵan.
"Talantty sazger, ánshi ápkemiz Gaýxar Álimbekovanyń basyndaǵy mán jáidy anyq bilmegen soń, qasynda júrmegen soń, xalyqqa eshqandai aqparat bere almaimyn. Keshe túnde Instagram-nan kórip, janym aýyrdy. Bul jerge jarnama jasaǵandai bolyp otyra bermei, barlyq áriptesterim men Gaýxarǵa qol ushyn bergisi keletin tyńdarmandardyń bir jerge jinalǵanyn qalaimyn", - dep jazdy Jazira Baiyrbekova Instagram paraqshasynda.
Al Nurlan Alban óziniń qoldan keletin kómegin aiamaýǵa sóz berdi.
"Shamamnyń kelgeninshe,qol sozýǵa daiynmyn. Aitarǵa sóz taba almai otyrmyn", - dep isti bolǵan áriptesin qoldaitynyn bildirdi.
Qairat Nurtastyń anasy Gúlzira Aidarbekova ánshini tabalai bermei, qol ushyn sozýǵa daiyn ekenin jetkizdi.
"Onsyzda xalyqtyń aldynda jer bolyp otyrǵanynda jerge tyqpaiyq aǵaiyn "Bále aiaq asty" degen, bir shikilik bar siiaqty. Óte aq kóńil, júregi keń, ashyq minezdi bolatyn, múmkin bir qatelik oryn alyp jatqan bolar. Qoldan kelse, kir izdep, min taqpai syrttai jón-josyqsyz ár túrli áńgimeni jazbai-aq qoiaiyq", - deidi Instagram paraqshasynda.
Aita keteiik, basyna is túsken Gaýhar Álimbekovaǵa qoldaý bildirýshiler arasynda Muhtar Hanzada, Baqyt Shoý, Abai Begei de bar.
Esterińizge sala keteiik, 30 qańtar kúni Gaýhar Álimbekovanyń "alaiaqtyq" úshin 6 jylǵa sottalǵany belgili boldy.
