Nur-Sultan qalasynyń bas sanitarlyq dárigeri Janna Pirálieva qaladaǵy epidemiologiialyq ahýal jaiynda baiandady, dep habarlaidy QazAqparat.
«2020 jylǵy 4 qarashadaǵy jaǵdai boiynsha barlyǵy 14 709 koronavirýs infektsiiasyn juqtyrý oqiǵasy tirkelgen, onyń ishinde 9 030-y simptommen jáne 5 679-y simptomsyz. Qalada syrqattanýshylyq kórsetkishi ortasha respýblikalyq kórsetkishten 2,1 ese joǵary jáne 100 myń turǵynǵa 1 273 jaǵdaidy qurady. 14 709 jaǵdaidyń 200-i syrttan ákelingen, 10 523-i jergilikti, 3 986-bailanysta bolǵan adamdar. Barlyǵy 18 774 bailanysta bolǵan adam anyqtaldy, búgingi kúni 17 766 adam karantinnen shyǵaryldy», - dedi J. Pirálieva onlain rejimde ótken koronavirýs infektsiiasynyń aldyn alý sharalary boiynsha baspasóz máslihatynda.
Onyń sózine qaraǵanda, jas jaǵynan alǵanda COVID-19 juqtyrǵan adamdardyń eń kóp sany 40 jastan joǵary. Olardyń jalpy indetke shaldyǵý kórsetkishiniń 42 paiyzyn qamtyp tur. Osy oraida 18 jasqa deiin-8 paiyz, 18-den 29-ǵa deiin – 22 paiyz, 30-dan 39-ǵa deiin – 28 paiyz.
«COVID-19 aýrýyna shaldyǵýdyń qaita ósýi 1 qazannan bastap aptasyna 46-dan 199 jaǵdaiǵa deiin baiqalýda. Táýligine 20-dan 34-ke deiin aýrý belgisi bar jaǵdai tirkeledi. Eresekter arasynda da, mektepke deiingi jáne mektep jasyndaǵy balalar arasynda da tirkelip jatyr. Sońǵy aptadaǵy aýrýǵa shaldyǵý ótken aptadan 1,3 ese nemese 27 paiyzǵa joǵary», - dedi J. Pirálieva.
