2021 jyldyń 5-11 shilde aralyǵynda elimizde 47 adam, onyń ishinde 8 bala sýǵa batyp, kóz jumdy. Bul týraly TJM habarlady.
Sýǵa batqandardyń eń kóp sany Almaty (8), Shyǵys Qazaqstan (8), Aqmola (5) jáne Soltústik Qazaqstan oblystarynda (5) tirkeldi.
Al balalardyń sýǵa ketý oqiǵalar Almaty (3), Túrkistan (2), Aqmola (1), Soltústik Qazaqstan oblystarynda (1) jáne Nur-Sultan qalasynda (1) tirkeldi.
«Balalar ýaqytyn kóńildi ótkizip, ystyq kúnde salqyndaýǵa sý aidynyna barady, olar sýdyń qaýipti ekenin de túsine bermeidi.
Sýda balalardyń ólimine qalai jol bermeýge bolady? Balalardy sý aidyndarynda qaraýsyz qaldyrmańyzdar! Balalarǵa eshqashan sýǵa eresek adamldardyń qaraýynsyz túsýge bolmaidy! Olardy júzýge úiretińizder», - dep eskertý jasady Tótenshe jaǵdailar ministrliginiń ókilderi.
