Memleket basshysynyń tapsyrmasy boiynsha memlekettik baǵdarlamalardan ulttyq jobalar formatyna kóshý júzege asyryldy. «Bilimdi ult» sapaly bilim berý» ulttyq jobasynda jedel sheshimderdi talap etetin jáne halyqtyń qajettiligin qamtamasyz etýge baǵyttalǵan máseleler boiynsha memlekettik baǵdarlamamen sabaqtastyq saqtalǵan.
Ulttyq jobada balalardy mektepke deiingi tárbiemen jáne oqytýmen qamtý, qalalyq jáne aýyldyq mektepter arasyndaǵy oqytý sapasyndaǵy alshaqtyqty azaitý, oqýshy oryndarynyń tapshylyǵy problemalaryn sheshý úshin mektep salý, qaýipsiz jáne jaily bilim berý ortasyn qurý jáne t. b. máseleler jalǵasyn tapty, dep habarlaidy BǴM baspasóz qyzmeti.
Ulttyq joba sapaly bilim alýǵa qoljetimdilikti keńeitýge múmkindik beredi. Ulttyq joba ázirleý barysynda qoǵam ókilderimen, bilim berý salasyndaǵy sarapshylarmen talqylanyp, barlyq múddeli memlekettik organmen pysyqtaldy.
Ulttyq joba bes mindetten quralǵan tórt baǵyttan turady.
Birinshi mindet – mektepke deiingi tárbie men oqytýdyń qoljetimdiligi jáne sapasyn qamtamasyz etý. Osy mindetti oryndaý úshin «aqsha balamen birge júredi» qaǵidaty boiynsha vaýcherlik qarjylandyrý jolymen memlekettik tapsyrysty ornalastyrý arqyly mektepke deiingi uiymdar jelisin damytý jónindegi jumys jalǵasatyn bolady. Nátijesinde 2025 jylǵa qarai 2 jastan 6 jasqa deiingi balalardy mektepke deiingi bilimmen qamtý 95%-ǵa, 3 jastan 6 jasqa deiin 100%-ǵa jetedi.
Budan basqa, Memleket basshysynyń tapsyrmasy aiasynda barlyq mektepke deiingi uiymda bala damýynyń jańa modeli engiziletin bolady. «Oiyn arqyly oqytý» qaǵidaty negizinde memlekettik standart ózgertiletin bolady.
«Bilimdi ult» sapaly bilim berý» ulttyq jobasynyń ekinshi mindeti – orta bilim berý sapasyn arttyrý. Atap aitqanda, óńirler, qalalyq jáne aýyldyq mektepter (PISA) arasyndaǵy oqytý sapasyndaǵy alshaqtyqty azaitý. Ulttyq joba aiasynda oqýshylardyń bilim sapasyndaǵy alshaqtyqty azaitý boiynsha keshendi sharalar qabyldanatyn bolady. Joba sheńberinde 12 jyldyq oqytýǵa kóshý josparlanyp otyr. Biyldan bastap qosymsha bilim berýge memlekettik tapsyrys ornalastyrý josparlanýda. Bul protsess konkýrstyq negizde jáne jeke uiymdarda ótedi.
Úshinshi mindet – mektepterdi jaily, qaýipsiz jáne zamanaýi bilim berý ortasymen qamtamasyz etý. Oqýshy oryndarynyń tapshylyǵyn qysqartý úshin 2025 jylǵa qarai 1000 mektep salý josparlanǵan. Nátijesinde úsh aýysymdy mektepter joiylyp, apatty mektepter úlesi 0,1%-ǵa deiin qysqartylady dep kútilýde. 2025 jylǵa qarai shaǵyn qalalarda, aýdan ortalyqtarynda, aýyldarda 5000 mektep modernizatsiialanyp, balalardy oqytý úshin qaýipsiz jáne qolaily jaǵdailar jasalatyn bolady.
Tórtinshi mindet – qoljetimdi jáne sapaly tehnikalyq jáne kásiptik bilimmen qamtamasyz etý. 2025 jylǵa qarai jastardyń 100%-y qajetti mamandyqtar boiynsha tegin tehnikalyq jáne kásiptik bilimmen qamtamasyz etiletin bolady. Qamtýdy ulǵaitý nátijesinde NEET sanatyndaǵy jastar úlesiniń tómendeýi kútilýde.
Besinshi mindet – qazaqstandyq joǵary oqý oryndarynyń básekege qabilettiligin arttyrý. Ulttyq joba sheńberinde Nazarbaev Ýniversitetiniń tájiribesi boiynsha 20 akademiialyq artyqshylyq ortalyǵy (15 óńirlik jáne 5 pedagogikalyq JOO) jáne 2 ozyq JOO qurylatyn bolady. Sonymen qatar 2025 jyldyń sońyna deiin sheteldik joǵary oqý oryndarynyń 5 filialyn ashý josparlanýda, bul jastardyń elden ketýin qysqartýǵa múmkindik beredi.
