QR Bilim jáne ǵylym ministri Erlan Saǵadiev halyq narazylyǵyn týdyrǵan bilim salasyndaǵy túiitkildi jaǵdailarǵa bailanysty málimdeme jasady, dep habarlaidy "Ult aqparat".
E.Saǵadiev Bilim jáne ǵylym ministrliginiń feisbýktegi resmi paraqshasynda arnaiy video-úndeý jasap, naqty aqparattar berdi.
"Qurmetti ustazdar, ata-analar jəne oqýshylar!
Sońǵy kezde sizder Internet jelisinde QR BǴM-niń mamandyqtar klassifikatoryndaǵy "Qazaq tili", "Qazaq ədebieti", "Qazaq tarihy", "Lingvistika", "Shyǵystaný" syndy mamandyqtardy joǵary oqý oryndarynan alyp tastaǵany týraly, nemese QR BǴM "Serpin" jobasynyń jumysyn toqtatyp, ministr Saǵadiev elimizdiń JOO-da ejelgi qazaq tarihy kafedralaryn jaýyp, osy pənniń júrgizilýin doǵarǵany týraly aqparatty kezdestirýińiz múmkin.
Bul aqparat shyndyqqa janaspaitynyn, sondai-aq mundai habarlardyń shyndyǵynda neǵurlym kóp qazaqstandyqtardy qisyq jolǵa baǵyttap, jalǵanǵa sendirýdi kózdegen qiturqy əreketter ekendigin bilgen abzal. Atalǵan qaýesetterdi joqqa shyǵaryp, aqiqatty jetkizý maqsatynda búgin keshke QR bilim jəne ǵylym ministri Erlan Saǵadiev sizderge arnap beine jaýap daiyndady. Bul beinematerialda ministr joǵaryda atalǵan məselelerge qatysty qandai jaǵdai qalyptasqandyǵy jóninde shynaiy məlimetter beredi.
Qurmetti pedagogtar, ata-analar, oqýshylar, biz sizderdi tek senimdi derek kózderinen taratylatyn aqparatqa júginýge shaqyramyz. Mundai məlimetterdi QR BǴM-niń jelidegi resmi akkaýntyna jazylyp alýǵa bolatyndyǵyn jetkizgimiz keledi", - deidi ministrliktiń baspasóz qyzmeti.
