2021 jyldan bastap joǵary oqý oryndary jeke úlgidegi diplomdar beredi, dep habarlaidy "Ult aqparat".
QR Bilim jáne ǵylym ministrliginiń Telegram kanalynda jariialanǵan aqparatqa sáikes, jeke úlgidegi diplomdar jumys berýshilerge maman daiarlaý sapasyn baǵalaýǵa múmkindik beredi. Diplomdarda joǵary oqý orny, bilim berý baǵdarlamasynyń ataýy, bitirýshiniń derekteri, oqytý nysany kórsetilýi tiis. Berilgen diplomǵa derbes jaýapty bolatyn rektordyń qoly bolýǵa mindetti. Ár diplomda BǴM jasaǵan biregei sáikestendirý nómiri bolady.
«Bilim týraly» zańǵa sáikes ár diplomda qorǵanys belgileri bolýy kerek. Joǵary oqý ornynyń osy oqý ornynda oqymaǵan, bilim berý baǵdarlamasyn aiaqtamaǵan adamǵa diplom berýi litsenziiadan aiyrý jáne akkreditteýdi keri qaitaryp alý úshin negiz bolady. Jeke úlgidegi diplomdardy qoldan jasaý resmi qujattardy qoldan jasaý bolyp sanalady. Mundai áreket úshin Qylmystyq kodekstiń 385-baby boiynsha jaýapkershilik kózdelgen», - dep atap ótedi ministrlikten.
