QR Bilim jáne ǵylym vitse-ministri Fatima Jaqypova qandai joǵary oqý oryndary talapkerler arasynda suranys ie ekendigin aityp berdi, dep habarlaidy QazAqparat tilshisi.
«Bul rette, dástúrli túrde ulttyq ýniversitetter joǵary suranysqa ie. Osy oraida L.N. Gýmilev atyndaǵy Eýraziia ulttyq ýniversitetin, Ál-Farabi atyndaǵy Qazaq ulttyq ýniversitetin atap ótken jón. Sonymen qatar, óńirlerdegi iri joǵary oqý oryndaryna tapsyrǵan jastardyń qarasy qalyń. Iaǵni M.Áýezov atyndaǵy Ońtústik Qazaqstan memlekettik ýniversiteti, Sh. Esenov atyndaǵy Kaspii memlekettik tehnologiialar jáne injiniring ýniversiteti, Q.Jubanov atyndaǵy Aqtóbe óńirlik memlekettik ýniversiteti bar», - dedi vitse-ministr elordada ótken brifingte.
Munymen qosa, biyl taǵy birneshe ýniversitet tanymal bolǵan.
«Biyl alǵash ret Nur-Sultan qalasyndaǵy Halyqaralyq IT-ýniversetet óz esigin ashty. Bul joǵary oqý ornyna aitarlyqtai joǵary suranys boldy. Qazaqstan-Britan tehnikalyq ýniversitetine de suranys artty. Al tehnikalyq baǵyttaǵy ulttyq ýniversitetter arasynda Q.I.Sátbaev atyndaǵy Qazaq ulttyq tehnikalyq zertteý ýniversitetin atap ótýge bolady», - dedi F. Jaqypova.
Budan buryn habarlanǵandai, búgin 2019 jylǵy memlekettik bilim granty iegerleriniń tolyq tizimi jariialandy.
