QR Bilim jáne ǵylym ministrligi mektepte paidalanýǵa tyiym salynǵan zattardyń tizimin bekitti, dep habarlaidy "Ult aqparat" Bilim jáne ǵylym ministrligine silteme jasap.
«QR Bilim jáne ǵylym ministriniń buiryǵymen bilim berý uiymdaryna kirgizýge tyiym salynǵan jáne paidalanýǵa shekteý qoiylǵan zattar tizbesi bekitildi. Bul tizimge qarýdyń barlyq túri, oq-dáriler, jarylǵysh zattar, sondai-aq tesýge jáne kesýge arnalǵan zattar kiredi. Jańa normany engizý balalarǵa qaýipsiz jáne jaily oqý ortasyn qurýǵa, quqyqbuzýshylyqtardy ýaqytyly anyqtaýǵa jáne onyń aldyn alýǵa múmkindik beredi», - delingen ministrlik habarlamasynda.
Osylaisha, mektepterge qarýlar men oǵan uqsas zattardy ákelýge qatań tyiym salynady.
«Budan basqa, bilim berý uiymdarynda kesýge arnalǵan jáne ótkir zattardy, ónerkásiptik quraldardy, oq-dárilerdi, jarylǵysh, ýly, psihoaktivti zattardy ákelýge jáne paidalanýǵa jol berilmeidi. Balalardyń tyiym salynǵan zattardy bilim berý uiymdaryna kirgizgeni úshin olardyń ata-analary men zańdy ókilderi jaýapty bolady», - deidi BǴM.
