Bilim jáne ǵylym ministrligi ustazdar men ata-analardy, jalpy kópshilik qaýymdy «Muǵalim mártebesi týraly» Zań jobasyn birlesip talqylaýǵa shaqyrdy, dep habarlaidy "Ult aqparat" vedomstvonyń baspasóz qyzmetine silteme jasap.
«Búginde zań jobasy ázirlenip jatyr. Elbasynyń halyqqa arnaǵan Joldaýynda sóz bolǵan jańa zań muǵalim mártebesin kóterýdi kózdeidi. Zań ustazdar qaýymynyń júktemesin azaitýǵa, jónsiz tekserister men mindetten tys fýnktsiialardan arashalaýǵa tiis. Osy rette mektep muǵalimderi men JOO, kolledj oqytýshylaryn, ata-analar qaýymy men osy máselege qyzyǵýshylyq tanytqan tulǵalardy zań jobalaryn talqylaýǵa belsendi qatysýǵa shaqyramyz» delingen habarlamada.
Zań jobasyna qatysty usynystar bolsa, bilimdiel.project@mail.ru elektrondyq poshtasyna jiberýge bolady. Zań jobasy boiynsha kelip túsken usynystar myna jerde jáne QR BǴM resmi saitynda jariialanǵan. Al «Muǵalim mártebesi týraly» Zań jobasynyń tujyrymdamasymen myna silteme arqyly tanysa alasyzdar.
«Qurmetti muǵalimder, oqytýshylar jáne qymbatty ata-analar! «Muǵalim mártebesi týraly» Zań jobasyn talqylaý barysynda belsendilik tanytýlaryńyzdy suraimyz. Óitkeni jańa Zańnyń qabyldanýy bilim berý salasynyń bolashaǵy úshin óte mańyzdy», - deidi QR BǴM baspasóz qyzmeti.
