Foto: Sputnik / Vladislav Vodnev
Bilim jáne ǵylym ministri Ashat Aimaǵambetov oqýshylardyń demalysyn qysqartý týraly usynysqa túsinikteme berdi, dep habarlaidy Sputnik Qazaqstan.
Aitýynsha, usynysty qoldaityn da, qoldamaityn da adamdar bar.
"Biz buǵan qarsy adamdardyń argýmentin túsinemiz. Bul jerde árqashan ǵylymi tásil bolýǵa tiis. Biz ministrlik, bilim basqarmasy, muǵalim nemese ata-ana turǵysynan emes, ǵylymi turǵydan qaraýymyz kerek. Iaǵni bul balaǵa qanshalyqty tiimdi ekenin bilýimiz kerek", - dedi Aimaǵambetov májilis kýlýarynda.
Aitýynsha, qazir bilim ministrligi kanikýldy qysqartýǵa qatysty zertteý júrgizip jatyr. Oǵan psihologtar da, ádiskerler de tartylǵan.
"Bul máseleni ǵylym, psihologiia, ádisteme turǵysynan sheshý úshin qazir zertteý júrgizip jatyrmyz. Onyń nátijesi jaily mindetti túrde habarlaimyz. Bul máseleni aldyn ala áriptestermen talqylaimyz. Kabinetterde kýlýarlyq sheshimdi eshkim qabyldaǵaly jatqan joq", - dedi ministr.
Buǵan deiin biznesmen, Binom mektepteriniń quryltaishysy Aidyn Rahymbaev oqý jylyn 34 aptadan 38-ge uzartýdy usyndy.
Onyń aitýynsha, Qytai men Koreiada oqýshylardyń sabaǵy 42 aptaǵa, Singapýrda 39 aptaǵa sozylady. Al Qazaqstanda – 34 apta. Iaǵni, Koreiada oqýshylar demalysy 70 kúnge sozylsa, qazaqstandyq oqýshylar 120 kún demalady. Osylaisha qazaqstandyq balalar jyl saiyn oqýdyń 1-1,5 aiyn joǵaltady.
