Bilim jáne ǵylym ministrligi búkil álemdegi kóptildilik tájiribesin tyńǵylyqty zerdeleýi tiis. Bul týraly Qazaqstan halqy Assambleiasynyń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Shyndyǵynda da bizdiń mektep túlekterimiz qazaqstandyq qoǵamǵa kiriktirilýi tiis. Olar básekege qabiletti bolýy qajet. Bul úshin olar memlekettik tildi de, ana tilin de jáne múmkindiginshe orys tilin de bilýi kerek. Tolyqtai alǵanda, balalarymyzdyń birneshe tildi bilgeni ózderine jaqsy. Olardy bir tilmen ǵana shekteýge bolmaidy. Sol arqyly biz is júzinde olardyń bolashaq damýyn, bolashaqtaǵy birigýin shekteitin bolamyz. Túptep kelgende bolashaǵynyń aman-esen bolýynan aiyramyz. Sondyqtan Bilim jáne ǵylym ministrligi búkil álemdegi kóptildilik tájiribesin tyńǵylyqty zerdeleýi jáne ony bizdiń ulttyq topyraǵymyzǵa sińirýi kerek», - dedi Qasym-Jomart Toqaev.
