Áleýmettik jelide aǵylshyn tili oqýlyǵynyń grek jáne qazaqstandyq nusqalarynyń uqsastyǵy týraly aqparat tarady. Osyǵan bailanysty «Oqýlyq» respýblikalyq ǵylymi-praktikalyq ortalyǵynyń direktory Eldos Nurlanov pikir bildirdi, dep habarlaidy "Ult aqparat".
«Áleýmettik jelilerde aǵylshyn tili oqýlyǵynyń grek jáne qazaqstandyq nusqalarynyń uqsastyǵy týraly aqparat tarady. Bul oqýlyqtyń grek nusqasynyń joǵyn birden atap ótkim keledi. Express Publishing baspasy ázirlegen aǵylshyn tili oqýlyǵy alǵash ret Ulybritaniiada 2013 jyly jaryq kórdi. Smiles oqýlyqtar toptamasy halyqaralyq arenada moiyndalyp, Qazaqstan ǵana emes, Grekiia, Chehiia, Polsha, Ispaniia, Portýgaliia, Saýd Arabiiasy, Serbiia, Horvatiia, Ýkraina, Bolgariia, Latviia men Litva jáne t.b. elderde qoldanýǵa resmi túrde ruqsat alǵan. Demek, shet tilin jetik meńgerý maqsatynda sol tildiń Otany esepteletin memlekettiń úzdik dep tanylǵan ádistemesin, oqýlyqtaryn alyp paidalaný – álemdik tájiribede bar úrdis. Birqatar elde Smiles oqýlyqtary túpnusqada qoldanyla beredi (halyqaralyq nusqa). Qazaqstandaǵy nusqasy Memlekettik jalpyǵa mindetti bilim berý standartyna jáne aǵylshyn tili pániniń oqý baǵdarlamalaryna sáikestendirilip beiimdelgen. Atap aitqanda, oqýlyq taqyryptary, oqý maqsattary, illiýstratsiialary men oqý materialdary aitarlyqtai ózgertildi. Nátijesinde, oqýlyqta avtorlardyń ádistemelik kózqarasy saqtala otyryp, mazmunynyń jartysyna jýyǵy jańartyldy. Halyqaralyq jáne qazaqstandyq oqýlyqtar nusqalarynyń aiyrmashylyǵyn olardyń taqyryptarynan baiqaý qiyn emes (sýreti tómende)» dep jazdy ortalyq direktory Facebook paraqshasynda.
Oqýlyqty tikelei qoldanyp júrgen muǵalimder men oqýshylardyń pikirinshe, Smiles aǵylshyn tilin úirenýde aitarlyqtai tiimdi.
Muny oqý protsesinen bólek, ziiatkerlik saiys nátijelerinen de kórýge bolady.
«Máselen, 24 maýsymda bastaýysh jáne negizgi mektep aǵylshyn tili muǵalimderi men oqýshylaryna arnalǵan respýblikalyq baiqaýǵa 3,5 myń úmitker qatysty. Barlyq júldeger Express Publishing baspasy ázirlegen oqýlyqtar men oqý-ádistemelik keshenderi boiynsha bilim alatyndyqtaryn atap ótken. Smiles oqýlyqtary men OÁK «Oqýlyq» respýblikalyq ǵylymi-praktikalyq ortalyǵynyń resmi pedagogikalyq jáne lingvistikalyq saraptamasynyń oń qorytyndysymen qatar (2016 jyly), «KazTEA» Qazaqstan Respýblikasynyń aǵylshyn tili muǵalimderi men oqytýshylary assotsiatsiiasynyń joǵary baǵasyna ie boldy» dep atap ótti Eldos Nurlanov.
Aita keterligi, Grekiiada bul oqýlyqtyń britandyq túpnusqasy qoldanylady. Áleýmettik jelilerdegi post avtorlary «grektiki» dep ataǵan aiqarma better túpnusqadan alynǵan.
«Aiqarmalar «Smiles magazine. Our World» (Smiles jýrnaly. Bizdiń álem) dep atalatyn aidarǵa jatady. Ondaǵy tapsyrmalar úsh túrli memlekettiń mádeni erekshelikterin salystyrý arqyly materialdy bekitýge arnalǵan. Munda qazaqstandyq komponent «tanysý - salystyrý - qoldaný» ádistemelik qaǵidaty boiynsha berilgen. Iaǵni, oqýshy aldymen maǵlumatty aǵylshyn tildi eldiń mysalynda oqidy, sodan keiin ony basqa elmen salystyryp baryp, respýblikamyzǵa qatysty mysalmen qorytyndylaidy» dep túiindedi sózin Oqýlyq» respýblikalyq ǵylymi-praktikalyq ortalyǵynyń direktory Eldos Nurlanov.
