Búgin QR bilim jáne ǵylym ministri Ashat Aimaǵambetov XXX dúniejúzilik jazǵy Ýniversiada oiyndarynyń jeńimpazdary jáne júldegelerimen kezdesti. Bul týraly QR BǴM baspasóz qyzmeti habarlady.
Óz kezeginde, QR bilim jáne ǵylym ministri jarys jeńimpazdary men júldegerlerine, sportshylardyń ata-analary men bapkerlerine (Ǵalymjan Djegeldiev, Oleg Pochivalov) alǵys hattar tabys etti. 
«Búgin Qazaqstannyń halyqaralyq arenadaǵy bedelin kóterýge jáne qazaqstandyq sportty damytýǵa jeke úles qosqan talantty jas sportshylarmen kezdesip otyrmyz. Osy jyl «Jastar jyly» dep jariialanǵany belgili. Qazaqstan Respýblikasynyń kók týyn joǵary kótergen jas sportshylardyń jeńisi el sportynyń damýyna serpin beredi. Ýniversiadaǵa 115 joǵary oqý ornynan ishinen tek 62 ýniversitet qana qatysty. Meniń oiymsha, bul óte az. Osyǵan bailanysty, men JOO-lardy osy baǵyttaǵy jumysty kúsheitýge jáne stýdentterdi sportpen ainalysýǵa tartý úshin barynsha qolaily jaǵdai jasaýǵa shaqyramyn. Bizdiń stýdentterimiz joǵary nátijelerge qol jetkizip, jeńimpaz atanǵany úshin taǵy da shyn júrekten alǵysymdy bildiremin», - dedi ministr.
Aita keteiik, sala jazǵy ýniversiada oiyndary 3-14 shilde aralyǵynda Italiianyń Neapol qalasynda ótken bolatyn. Oǵan álemniń 118 elinen alty myńǵa jýyq stýdent sportshylar qatysty. Qazaqstan namysyn 94 sportshy qorǵap, Ýniversiada qorytyndysy boiynsha jeti júldeli orynmen oraldy. Jalpy komandalyq esepte Qazaqstannyń stýdentter qurama komandasy 25-orynǵa turaqtady. El quramasynyń qorjynynda 7 medal bar (1 altyn, 1 kúmis, 5 qola).
